Genesisi 33:10 - Siswati 1996 Bible

¹⁰ Jakobe watsi: “Cha, mnaketfu, ngiyacela nangabe ngemukele umusa emehlweni akho semukele lesipho sami; ngobe kimi kubona buso bakho kunjengekubona buso baNkulunkulu, kakhulu nje ngobe nawe sewungemukele ngemoya lomuhle.

Genesisi 33:10 Referencias Cruzadas

Genesisi 19:19

Inceku yakho itfole umusa emehlweni akho, wayentela sihawu lesikhulu ngekusindzisa imphilo yayo; kodvwa ngingeke ngikwati kubalekela etintsabeni, ngobe lesijeziso singahle singijubele ngembili, bese ngiyafa.

Genesisi 32:30

Jakobe lendzawo wayetsa libito watsi: “yiPheniyeli,” lokusho kutsi: “Ngibonene naNkulunkulu buso nebuso, noko umphefumulo wami waphephiswa.”

Genesisi 33:11

Ngicela usitsatse lesipho lonikwa sona, ngobe Nkulunkulu ube nemusa kimi, wadzimate wangipha konkhe lengikudzingako.” Ngenca yekuncenga kwaJakobe wagcina asasemukele.

Genesisi 33:9

Kodvwa Esawu waphendvula watsi: “Cha, mnaketfu, nami senginalokunyenti; tigcinele wena loko lonako kube kwakakho.”

Genesisi 43:3

Kodvwa Juda wamphendvula watsi: “Leya ndvodza yasiyalisisa yatsi: ‘Ningeke ningibone ngisho nekungibona, naningeti naye lomnakenu.’

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.

Genesisi 50:4

Kwatsi kube kuphele emalanga ekuzila, Josefa wakhuluma etindvuneni taFaro kutsi tiyewumbika kuFaro, watsi: “Ngicela ningibike kuFaro kutsi:

2 Samuweli 14:24

Kodvwa inkhosi yatsi: “Kufanele ahambe aye endlini kakhe, akukafaneli abonane nebuso bami.” Ngako Absalomu wavele waya endlini kakhe, wangete wabonana nebuso benkhosi.

2 Samuweli 14:28

Absalomu wahlala eJerusalema iminyaka lemibili, seloku angakaze abonane nebuso benkhosi.

2 Samuweli 14:32

Absalomu waphendvula watsi: “Buka la, ngitfumele livi kuwe ngatsi: ‘Kota lapha, khona ngitekutfumela enkhosini kutsi uyewubuta utsi: “Ngibuyiselweni lena eGeshuri? Ngabe kuncono kimi kube ngisatihlalele lapho!” ’ Manje ngifuna kubonana nenkhosi; nangabe nginelicala lelitsite, ayivele ingibulale.”

2 Samuweli 3:13

Davide watsi: “Kulungile, ngitasenta nawe sivumelwane. Kodvwa kunye lengikufuna kuwe: Ungeti lapha embikwami, nawungakaletsi Mikhali, indvodzakati yaSawula, nawuta kutangibona.”

Jobe 33:26

Uyathandaza kuNkulunkulu atfole umusa kuye; ubona buso baNkulunkulu ajabule aze amemete. Nkulunkulu umbuyisela esimeni sakhe sekulunga.

Tihlabelelo 41:11

Ngati kahle kamhlophe kutsi wena uyangitsandza, ngobe sitsa sami awukasivumeli kutsi sitigabatise ngekungehlula.

Jeremiya 31:2

Naku lokushiwo nguSimakadze, utsi: “Sive lesisindze enkembeni siyawuzuza umusa ehlane; ngiyawuta ngitewuletsa kuphumula ka-Israyeli.”

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Sembulo 22:4

Tiyawubonana naye buso nebuso; libito lakhe liyawubasemabuntini ato.

Ruthe 2:10

Ruthe wakhotsamisa buso bakhe, wabonga, watsi: “Kungani ngizuze umusa longaka kuwe nekutsi unginake kangaka ngiwetive?”

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”