Genesisi 32:9 - Siswati 1996 Bible

⁹ Jakobe wase uyathandaza watsi: “Nkulunkulu wababemkhulu Abrahama, naNkulunkulu wababe wami Isaka! Simakadze, wena wakhuluma kimi watsi: ‘Ncandzeka ubuyele eveni lakini, nasetihlotjeni takho, mine ngitakwentela lokuhle.’

Genesisi 32:9 Referencias Cruzadas

Genesisi 17:7

“Ngiyawumisa sivumelwane sami nawe nentalo yakho, emvakwakho, etitukulwaneni ngetitukulwane, kube sivumelwane saphakadze. Ngiyawuba nguNkulunkulu wakho naNkulunkulu wetitukulwane takho emvakwakho.

Genesisi 28:13

Simakadze abeme etikwalo; wakhuluma naye watsi: “NginguSimakadze, Nkulunkulu weyihlo Abrahama, naNkulunkulu wa-Isaka. Lelive lolele kulo ngiyawulinika wena kanye netitukulwane takho.

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 31:13

NginguNkulunkulu waseBetheli, lapho wagcoba khona litje ngemafutsa, walenta sikhumbuto, wafunga kimi. Sukuma-ke manje, utfutse kulelive, ubuyele eveni lakini, lapho kunenkhaba yakho khona.’ ”

Genesisi 31:29

Nginawo emandla ekukulimata; kodvwa Nkulunkulu weyihlo ukhulume kimi itolo ebusuku ephusheni watsi: ‘Ucaphele, ungakhulumi lokuhle nome lokubi kuJakobe.’

Genesisi 31:3

Simakadze wakhuluma kuJakobe watsi: “Hamba ubuyele eveni lakini, lapho watalelwa khona, ngitawuba nawe.”

Genesisi 31:42

Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”

Genesisi 31:53

Nkulunkulu wa-Abrahama naNkulunkulu waNahori, utakwehlulela emkhatsini wetfu.” Ngako-ke Jakobe wafunga ngaNkulunkulu weyise Isaka, wagomela kutsi utasigcina lesetsembiso.

Genesisi 32:8

Loku abekwenta acabanga atsi: “Nangabe Esawu efika ahlasela lelinye licembu, leli lelinye-ke lelisasele lisengabaleka.”

Genesisi 49:25

NguNkulunkulu weyihlo lokusitako. NguNkulunkulu Somandla lotakubusisa ngetibusiso tangetulu ezulwini, nangetibusiso temfuyo netebantfwana.

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

2 Tikhronike 32:20

Inkhosi Hezekiya ikanye nemphrofethi Isaya, umsa wa-Amose, bakhala kuNkulunkulu, bacela lusito lwakhe ngalendzaba.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Jeremiya 32:16

“Emvakwekutsi lencwadzisivumelwane yekutsenga sengiyinike Bharuki, umsa waNeriya, ngathandaza kuSimakadze, ngatsi:

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.