Genesisi 32:6 - Siswati 1996 Bible

⁶ Titfunywa tabuya kuJakobe, tafike tatsi: “Simkhandzile umnakenu Esawu; naye sewuyeta utekuhlangabeta, uta nemadvodza langemakhulu lamane.”

Genesisi 32:6 Referencias Cruzadas

Genesisi 31:18

wayichuba yonkhe imfuyo yakhe kanye nako konkhe kwakhe labekuholile eMesophothamiya, wancandzeka wabuyela kuyise, Isaka, eveni laseKhenani.

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

Genesisi 32:7

Jakobe wesaba kakhulu waba neluvalo. Wehlukanisa labantfu abehamba nabo, wabenta emacembu lamabili, kanjalo nemihlambi yetimvu, neyetimbuti, neyetinkhomo kanye neyemakamela nako wakwenta njalo.

Genesisi 32:8

Loku abekwenta acabanga atsi: “Nangabe Esawu efika ahlasela lelinye licembu, leli lelinye-ke lelisasele lisengabaleka.”

Genesisi 33:1

Jakobe watsi uphakamisa emehlo, wabona Esawu eta nemadvodza akakhe langemakhulu lamane. Wehlukanisa bantfwabakhe emkhatsini waLeya, naRakheli netincekukati tabo letimbili.

Genesisi 33:15

Esawu watsi: “Kuncono ngishiye lamanye kulamadvodza lengite nawo ete kanye nani.” Kodvwa Jakobe waphendvula watsi: “Ngiyabonga. Kodvwa loko bekungakadzingeki, kuphela kutsi ngitfole umusa emehlweni enkhosi yami.”

Genesisi 33:8

Esawu wabuta watsi: “Usho kutsini ngato tonkhe leticumbi lebengihambe ngihlangana nato?” Jakobe waphendvula watsi: “Ngicondze kutsi ngizuze umusa enkhosini yami, ngemukeleke.”

Genesisi 34:11

Shekhemu wakhuluma kuyise waDina kanye nebanakabo watsi: “Ngicela nimane ningihawukele, ngitaninika nome ngabe yini leniyifunako.

Genesisi 47:25

Bamphendvula batsi: “Utisindzisile timphilo tetfu. Usiphetse ngesandla lesihle, nkhosi. Sitaba tigcili taFaro.”

Amose 5:19

Kuyawuba shangatsi ngumuntfu lobalekele libhubesi, wase utitsela etikwelibhele; kube shangatsi ngumuntfu longene endlini yakhe wabeka tandla takhe elubondzeni, kusuke inyoka imlume.

Ruthe 2:13

Ruthe wamphendvula watsi: “Maye, ube nemusa kimi, mnumzane, ngobe sewungidvudvutile, wangikhulumisa ngemoya lomuhle mine ncekukati yakho, lite ngingesiye lomunye wetincekukati takho.”

Ruthe 2:2

Ruthe, umMowabi, wakhuluma kuNawomi, watsi: “Kuncono ngihambe ngiye ensimini ngiyewukhwimita emvakwalowo lengingahle ngitfole kuye umusa.” Nawomi waphendvula watsi: “Hamba, ndvodzakati yami.”

1 Samuweli 1:18

Hana watsi: “Shangatsi incekukati yakho ingemukeleka emehlweni akho.” Wabe sewuyahamba wayakudla, nebuso bakhe abuzange buphindze bubonakale bujabhile.