Genesisi 32:24 - Siswati 1996 Bible

²⁴ kodvwa yena wasala ngemuva. Kwase kufika indvodza labambana nayo, kwadzimate kwadzabuka kusa.

Genesisi 32:24 Referencias Cruzadas

Genesisi 18:2

Abrahama watsi nakaphakamisa emehlo, wabona emadvodza lamatsatfu eme embikwakhe. Watsi kube awabone, wesuka emnyango welithende lakhe wagijima wawahlangabeta, wafike wakhotsama,

Genesisi 30:8

Rakheli watsi: “Ngekubambana lokunemandla ngibambene nadzadzewetfu ngamehlula.” Wayetsa libito watsi nguNaftali.

Genesisi 32:23

Bonkhe wabewetela ngesheya kwemfula nako konkhe labenako,

Genesisi 32:25

Yatsi kube ibone lendvodza kutsi iyehluleka kuphunyula kuJakobe, yase imtsintsa enyongeni. Inyonga yaJakobe yenyela solomane tibambene etulu nalendvodza.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Genesisi 32:30

Jakobe lendzawo wayetsa libito watsi: “yiPheniyeli,” lokusho kutsi: “Ngibonene naNkulunkulu buso nebuso, noko umphefumulo wami waphephiswa.”

Genesisi 48:16

Shangatsi lengilosi leyangiphephisa kuto tonkhe tingoti ingababusisa labafana. Shangatsi bangabitwa ngelibito lami, nangelibito labobabe Abrahama na-Isaka. Shangatsi bangandza, babe banyenti emhlabeni.”

Eksodusi 14:27

Ngako Mosi welula sandla sakhe wasengamisa etikwelwandle, emanti abuyela endzaweni yawo nakudzabuka kusa; emaGibhithe atsi ayabaleka emanti awakhukhula. Simakadze wawatsintsitsela ekujuleni kwelwandle onkhe emaGibhithe.

Ingoma Yetingoma 2:17

Kuze kudzabuke kusa, kubaleke titfunti, buya, wena longitsandzako, bani njengemphala nanjengemgankla losemncane nawusemagcumeni langemahhelekehle.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Danyela 10:8

Ngako ngatikhandza sengisele ngedvwa ngigolotele lombono lomkhulu kangaka ngingenamandla, buso bami bagwala baba bovu tju, ngaba yingici.

Lukha 13:24

“Phikelelani kungena ngemnyango lomncane; ngobe banyenti bantfu labatakwetama kungena ngawo, kodvwa bayakwehluleka.

Lukha 22:44

Inhlitiyo yakhe yayilusizi; wathandaza ngekuciniseka lokukhulu, titfukutfuku takhe taze taba njengematfonsi engati, atfontsela phansi.

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

1 kubaseKorinthe 15:47

Umuntfu wekucala wavela emhlabeni alutfuli; umuntfu wesibili wavela ezulwini.

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

KubaseKholose 2:1

Ngiyatsandza kunatisa kutsi ngishikashikeka kangakanani ngenca yenu, nangenca yebaseLowadisiya nangabo bonkhe lengingazange ngibonane nabo buso nebuso.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”