Genesisi 32:10 - Siswati 1996 Bible

¹⁰ Umusa wakho awukangifaneli nako konkhe kwetsembeka kwakho lokubonakalise kimi, inceku yakho, akukangifaneli. Ngobe lomfula iJordane ngawewela ngiphetse ludvondvolo lwami lodvwa, manje senginemacembu lamabili.

Genesisi 32:10 Referencias Cruzadas

Genesisi 18:27

Abrahama waphindze wakhuluma futsi, watsi: “Ngiyacolisa kuba nesibindzi sekukhuluma neNkhosi yami, mine lengilutfuli nemlotsa.

Genesisi 24:12

Lenceku yathandaza yatsi: “Simakadze, Nkulunkulu wenkhosi yami, ngicela ungiphe imphumelelo lamuhla, ukhombise umusa wakho enkhosini yami Abrahama.

Genesisi 24:27

yatsi: “Akabongwe Simakadze, Nkulunkulu wenkhosi yami Abrahama, longakayekeli kukhombisa umusa wakhe nekwetsembeka kwakhe enkhosini yami Abrahama. Mine-ke Simakadze ungihole endleleni, waze wangingenisa endlini yetihlobo tenkhosi yami.”

Genesisi 28:13

Simakadze abeme etikwalo; wakhuluma naye watsi: “NginguSimakadze, Nkulunkulu weyihlo Abrahama, naNkulunkulu wa-Isaka. Lelive lolele kulo ngiyawulinika wena kanye netitukulwane takho.

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 30:43

Jakobe wagcina asanjinge kakhulu, waba nemihlambi lemikhulu, netincekukati, netinceku, nemakamela, netimbongolo.

Genesisi 31:3

Simakadze wakhuluma kuJakobe watsi: “Hamba ubuyele eveni lakini, lapho watalelwa khona, ngitawuba nawe.”

Genesisi 32:5

Nginetinkhabi, netimbongolo, netimvu, netimbuti netisebenti letidvuna naletisikati. Sengitfumele ligama enkhosini yami kutsi kumbe ngingatfola umusa ngemukeleke.’ ”

Genesisi 32:7

Jakobe wesaba kakhulu waba neluvalo. Wehlukanisa labantfu abehamba nabo, wabenta emacembu lamabili, kanjalo nemihlambi yetimvu, neyetimbuti, neyetinkhomo kanye neyemakamela nako wakwenta njalo.

2 Samuweli 17:24

Davide wahamba waze wefika edolobheni laseMahanayimu. Ngaleso sikhatsi Absalomu kanye nemphi yakhe bese bakhuphukele ngesheya kwemfula iJordane.

2 Samuweli 7:18

Inkhosi Davide yase iyahamba yayawungena ethendeni lebukhona baSimakadze, yafike yahlala phansi, yathandaza yatsi: “Bengingubani mine, Nkhosi Simakadze? Yona indlu yeketfu beyiyini, kutsi ungangihola kuze kube ngumanje?

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Jobe 8:7

Konkhe loku lokukulahlekele bekuyawuba lite kakhulu, nase kucatsaniswa naloku bewungakunikwa nguNkulunkulu kamuva.

Tihlabelelo 16:2

KuSimakadze ngitsi: “Wena uyiNkhosi yami. Kute lokuhle lengingaba nako ngaphandle kwakho.”

Tihlabelelo 18:35

Ungihlomisa ngesihlangu sensindziso yakho. Sandla sakho sangesekudla sangisimisa, utehlisa wena kuze uphakamise mine.

Tihlabelelo 61:7

Ebukhoneni bakho, Nkulunkulu, inkhosi ayihlale esihlalweni sebukhosi, ibuse kuze kube phakadze; uyilondvolote ngemusa wakho nangekwetsembeka kwakho.

Tihlabelelo 8:5

Noko umente wacishe waba ngangawe, Nkulunkulu, wametfwesa umchele webukhosi neludvumo.

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Tihlabelelo 85:10

bese kuhlangabetana umusa neliciniso, kwangane kulunga nekuthula.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Lukha 17:10

Kanjalo-ke nani nanente konkhe lenitjelwe kutsi nikwente, nibotsi: ‘Sitisebenti letingakafaneli kubongwa, ngobe sente lebesifanele kutsi sikwente.’ ”

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

2 kubaseKorinthe 12:11

Ngibe silima! Ngiphocelelwe ngini kulobulima, ngobe bekufanele nginconywe ngini. Empeleni angikedzeleleki kunabo bonkhe labaphostoli labagcamile, nome ngingasibani nje.

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”