Genesisi 31:55 - Siswati 1996 Bible

⁵⁵ Labani wavuka ngakusasa ekuseni ngetingweti, wanga batukulu bakhe nemadvodzakati akhe, wababusisa, wancandzeka wabuyela ekhaya kakhe.

Genesisi 31:55 Referencias Cruzadas

Genesisi 18:33

Watsi kube acedze kukhuluma na-Abrahama, Simakadze wase uyahamba; Abrahama wabuyela ethendeni lakhe.

Genesisi 24:60

Bambusisa Rebheka batsi kuye: “Hamba kahle, dzadzewetfu. Shangatsi ungaba ngunina wetinkhulungwane tetinkhulungwane; shangatsi intalo yakho ingawancoba emadolobha etitsa tayo.”

Genesisi 28:1

Isaka wabita Jakobe, wambusisa wamyala watsi: “Ungamtsatsi umfati kulamaKhenani.

Genesisi 30:25

Watsi Rakheli asatele Josefa, Jakobe watsi kuLabani: “Ase ungikhulule, ngihambe ngibuyele ekhaya kitsi naseveni lakitsi.

Genesisi 31:28

Awukangivumeli ngani kutsi ngivalelise emadvodzana nemadvodzakati ami ngekuwanga? Ibulima-ke lentfo loyentile.

Genesisi 31:43

Labani waphendvula Jakobe watsi: “Lamadvodzakati lawa ngami, nalabantfwana bami, nalemihlambi yami, nako konkhe loku lokubonako kwami. Kodvwa kute lengingabuye ngikwente ngalamadvodzakati nalabantfwabawo lababatele.

Genesisi 33:4

Kodvwa Esawu wagijima wamhlangabeta, wafike wamgona ngemikhono, wamanga. Bakhala bobabili.

2 Samuweli 19:39

Ngako bonkhe bantfu base bewela umfula iJordane, nenkhosi yase iyewela. Inkhosi yavalelisa Bhazilayi ngekumanga nangekumbusisa. Bhazilayi wase uyancandzeka ubuyela ekhaya kakhe.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Numeri 23:11

Bhalaki wakhuluma kuBhalamu, watsi: “Yini lena lese uyente kimi? Ngikuletse lapha kutsi utewucalekisa letitsa tami, kodvwa kute lokwentile; esikhundleni saloko utibusisile.”

Numeri 23:5

Simakadze wabeka emavi emlonyeni waBhalamu, watsi: “Ncandzeka uye kuBhalaki, ufike umtjele lelivi.”

Numeri 23:8

Ngingabacalekisa kanjani labo labangakacalekiswa nguNkulunkulu? Ngingabajivaza kanjani labo labangakajivazwa nguSimakadze?

Numeri 24:25

Bhalamu wesuka wancandzeka wabuyela eveni lakubo, naBhalaki watsatsa yakhe indlela.

Dutheronomi 23:5

Kodvwa noko Simakadze Nkulunkulu wenu akazange afune kulalela Bhalamu, wagucula lesicalekiso saba sibusiso kini, ngobe Simakadze Nkulunkulu wenu uyanitsandza.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Ruthe 1:14

Baphindze basicala phansi futsi sililo. Opha wanga uninatala wakhe wahamba, kodvwa Ruthe wanamatsela kuye.