Genesisi 31:49 - Siswati 1996 Bible

⁴⁹ Lelinye libito laso watsi yiMispa, ngobe abetsi: “Shangatsi Simakadze angasigcina sobabili nome sesehlukene.

Genesisi 31:49 Referencias Cruzadas

1 Emakhosi 15:22

Inkhosi Asa yase ikhipha satiso kulo lonkhe lakaJuda, wababutsa bonkhe, kwabate ngisho namunye lowasala; bonkhe batfutsa ematje eRama, netingodvo letatisetjentiswa nguBhasha lapho. Inkhosi Asa yakha ngako iGeba kulakaBhenjamini neMispa.

Hoseya 5:1

“Lalelani lapha, nine baphristi! Nakisisani, nine ma-Israyeli! Lalelani, ninendlu yebukhosi! Lesehlulelo simelene nani: Nibe lugibe eMispa, naba linetha lelendlalelwe eThabori.

Tikhulu 10:17

Kwatsi ema-Amoni nakamenyetwa kutsi akahlome ayewumisa eGileyadi, baka-Israyeli nabo bahlangana bayawumisa eMispa.

Tikhulu 11:11

Ngako Jeftha wahamba naletibondza takaGileyadi, sive sonkhe safike samenta inhloko nemholi waso. Jeftha wawaphindzaphindza lamagama akhe aseMispa embikwaSimakadze.

Tikhulu 11:29

Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.

1 Samuweli 20:23

Mayelana naleyo ndzaba lesike sayikhuluma nawe, khumbula kutsi Simakadze ungufakazi emkhatsini wetfu sobabili phakadze naphakadze.”