Genesisi 31:10 - Siswati 1996 Bible

¹⁰ “Kwatsi ngesikhatsi tekhwelwa letimbuti ngabhudza, ngatsi ngiyabuka ngabona letiphongo letekhwela letimbutikati kutsi tatinemishi, timacabhacabha, naletimabalabala.

Genesisi 31:10 Referencias Cruzadas

Genesisi 20:6

Nkulunkulu wamphendvula ephusheni watsi: “Yebo, ngiyati kutsi loku ukwente ngenhlitiyo lemhlophe, futsi ngimi lokuvimbile kutsi ungoni kimi, ngako angikakuvumeli kutsi umtsintse.

Genesisi 28:12

Wabhudza abona liladi limiswe emhlabatsini, laze lefika ezulwini, wabona tingilosi taNkulunkulu tehla tenyuka ngalo.

Genesisi 30:39

Tekhwelelwa etikwayo lemizaca, temitsa, tatala emazinyane lanemibala, nalangemacabhacabha, nalanemishi.

Genesisi 31:11

Ingilosi yaNkulunkulu yangibita ephusheni yatsi: ‘Jakobe!’ Ngasabela ngatsi: ‘Ngilapha.’

Genesisi 31:12

Yakhuluma kimi yatsi: ‘Buka la, tonkhe letiphongo letekhwela letimbutikati tinemishi, timacabhacabha, timabalabala; ngobe sengikubone konkhe lokwentiwa nguLabani kuwe.

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 31:9

Nkulunkulu uyitsatse kanjalo-ke imfuyo yeyihlo wayinika mine.

Genesisi 37:5

Ngalelinye lilanga Josefa wabhudza; watsi nakabatjela labomnakabo, bamtondza kakhulu futsi.

1 Emakhosi 3:5

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Dutheronomi 13:1

“Nangabe umphrofethi nome umphuphi wemaphupho achamuka emkhatsini wenu bese umemetela sibonakaliso nome simangaliso kini,