Genesisi 30:9 - Siswati 1996 Bible

⁹ Watsi kube abone Leya kutsi sewumile kutala, watsatsa Zilpha, sisebenti sakhe, wasinika Jakobe kutsi sibe ngumkakhe.

Genesisi 30:9 Referencias Cruzadas

Genesisi 16:3

Abrama asahlale iminyaka lelishumi eveni laseKhenani, Sarayi, umka-Abrama, watsatsa Hagari, sisebenti sakhe lesasingumGibhithe, wasinika Abrama kutsi sibe ngumkakhe.

Genesisi 29:24

Labani wakhipha Zilpha, labesisebenti sakhe, kutsi atewuba sisebenti saLeya.

Genesisi 29:35

Waphindze wakhulelwa futsi, watala indvodzana, watsi: “Manje-ke ngitamdvumisa Simakadze.” Ngako-ke wayetsa libito watsi nguJuda, wase uyema kutala.

Genesisi 30:10

Zilpha sisebenti saLeya, watalela Jakobe indvodzana.

Genesisi 30:17

Nkulunkulu wawuva umthandazo waLeya. Leya wakhulelwa, watalela Jakobe indvodzana yesihlanu.

Genesisi 30:4

Ngako wamnika Bilha, sisebenti sakhe, kutsi abe ngumkakhe. Jakobe wangena kuBilha, walala naye.

Genesisi 30:8

Rakheli watsi: “Ngekubambana lokunemandla ngibambene nadzadzewetfu ngamehlula.” Wayetsa libito watsi nguNaftali.

Genesisi 46:18

Lawa-ke kwakungemadvodzana aZilpha, Labani lamnika Leya, indvodzakati yakhe. Watalela Jakobe bantfu lababeli-16.