Genesisi 30:15 - Siswati 1996 Bible

¹⁵ Leya watsi kuRakheli: “Wena nanyalo awukeneliswa kutsi wena sewugovuke nendvodza yami? Nyalo sewufuna kutsatsa nalomutsi lengiwutfolelwe yindvodzana yami?” Rakheli waphendvula Leya watsi: “Ungamane ulale nayo kulobusuku balamuhla, nawungamane nje ungiphe lomutsi wendvodzana yakho.”

Genesisi 30:15 Referencias Cruzadas

Genesisi 30:14

Ngesikhatsi kuvunwa kolo, Rubeni watsi uyahamba, watfola umutsi wentalo ensimini, wawumikisa kuLeya, unina. Ngako Rakheli watsi kuLeya: “Ngicela sewumane ungiphe lomunye walomutsi wentalo lotfolwe yindvodzana yakho.”

Genesisi 30:16

Entsambama nakabuya etsafeni Jakobe, wahlangabetwa nguLeya. Wafike watsi kuJakobe: “Ubota utewulala nami lamuhla, ngobe ngikucashe ngemutsi wentalo lotfolwe yindvodzana yami.” Ngako-ke wavele wayawulala naye kulobo busuku.

Isaya 7:13

Isaya wase utsi: “Lalela lapha, wenandlu yakaDavide! Kuyini kini lokube solomane nihluphana netinhlitiyo tebantfu? Nyalo senifuna nekuhlupha Nkulunkulu wami yini kantsi?

Hezekeli 16:47

Wena-ke awuzange umane ubalingise nje kuphela, nome-ke ukope kuphela nje letindlela tabo letinengekako, kodvwa kuto tonkhe tindlela takho wena washesha wase wonakala kakhulu kunabo.

Numeri 16:13

Akukakwenelisi lokutsi wasikhipha eveni lelivundzile leligcwele lubisi neluju lwetinyosi, wasiletsela kutesibulala lapha ehlane? Nyalo ufuna kulibala kutibusa la etikwetfu?

1 kubaseKorinthe 4:3

Kodvwa-ke mine kimi kuyintfo lencane kutsi ngehlulelwe ngini nome ngekwehlulela kwebantfu, ngobe nami angitehluleli.