Genesisi 3:24 - Siswati 1996 Bible

²⁴ Wamkhipha lo-Adamu; kwase kutsi ngasemphumalanga nensimi yase-Edeni wabeka emakherubhi kanye nenkemba lenelilangabi lephendvuphendvukako ilindze indlela leya esihlahleni sekuphila.

Genesisi 3:24 Referencias Cruzadas

Genesisi 3:23

Ngako-ke Nkulunkulu Simakadze wamcosha ensimini yase-Edeni, kutsi alime umhlabatsi labetsatfwe kuwo.

Genesisi 4:1

Adamu wamati Eva, umkakhe; Eva wakhulelwa watala Khayini, watsi: “Ngitfole indvodzana ngekusitwa nguSimakadze.”

Genesisi 4:14

Asubuke, sewuyangicosha lamuhla la emhlabatsini, ngisuke nasebukhoneni bakho, ngibe ngumhambuma neluzulane emhlabeni; kantsi futsi wonkhe lohlangana nami uyawungibulala.”

Tihlabelelo 104:4

Nguwe lowenta titfunywa takho tibe ngimimoya, wente tinceku takho tibe ngimibane.

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Eksodusi 25:2

“Khuluma esiveni saka-Israyeli kutsi asingiletsele umnikelo, ukhishwe ngibo bonkhe bantfu labanenhlitiyo levumako, wena uwemukele egameni lami.

Hezekeli 10:1

Ngabuka, ngabona lokwakufanana nesihlalo sebukhosi sesafire kusetikwemkhatsi lowawungetulu kwetinhloko temakherubhi.

Hezekeli 31:11

ngawuniketela etandleni tembusi wetive, kuze kutsi yena atewuphatsa ngaleyo ndlela yebubi bawo. Ngawukhweshisela eceleni,

Numeri 22:23

Imbongolo yatsi kube ibone lengilosi ime endleleni, yelule inkemba yayo iyiphetse ngesandla, yaphambuka endleleni yacondza esigangeni. Bhalamu wayishaya, ayibuyisela endleleni.

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

KumaHebheru 1:7

Ngetingilosi utsi: “Nguye lowenta tingilosi takhe tibe ngimimoya, netikhonti takhe tibe ngemalangabi emlilo.”

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

1 Samuweli 4:4

Ngako-ke sive satfumela emadvodza eShilo kutsi alandze libhokisi lesivumelwane saSimakadze longuSomandla, lohlala etikwemakherubhi. Emadvodzana a-Eli abekhona lapho nawo, boHofni naFinehasi, bakanye nelibhokisi lesivumelwane saNkulunkulu.