Genesisi 3:20 - Siswati 1996 Bible

²⁰ Adamu wametsa umkakhe watsi ngu-Eva, ngobe waba ngunina wabo bonkhe labaphilako.

Genesisi 3:20 Referencias Cruzadas

Genesisi 16:11

Ingilosi yachubeka yatsi kuye: “Ase ubuke nje, sewukhulelwe, utawutala indvodzana uyetse libito utsi ngu-Ishmayeli, ngobe Simakadze ukuvile kuhlupheka kwakho.

Genesisi 2:20

Ngako-ke umuntfu watetsa emabito tonkhe tifuyo, netinyoni letindiza emoyeni, nato tonkhe tilwane tesiganga. Kepha Adamu akamtfolanga umsiti labelungele yena.

Genesisi 2:23

Indvodza yatsi: “Lona-ke sewulitsambo lematsambo ami, nenyama yenyama yami. Uyawubitwa ngekutsi: ‘yindvodzakati’, ngobe utsetfwe endvodzeni.”

Genesisi 3:21

Nkulunkulu Simakadze wentela bo-Adamu nemkakhe kwekwembatsa kwetikhumba, wabembatsisa.

Genesisi 35:18

Kwatsi nasafa wetsa loluswane lwakhe watsi nguBhenoni, kodvwa uyise wametsa libito watsi nguBhenjamini.

Genesisi 5:29

Lendvodzana wayetsa libito, watsi nguNowa, atsi: “Lona-ke nguye lotasidvudvuta emsebentini wetfu nasekukhatsatekeni kwetfu kuwo lomhlabatsi lowacalekiswa nguSimakadze.”

Eksodusi 2:10

Watsi nasakhulakhulile lomntfwana, wamtsatsa wammikisa kulendvodzakati yaFaro. Lendvodzakati yaFaro yamfaka esiswini sayo, waba ngumntfwanayo, yatsi: “Njengobe ngimkhiphe emantini, ngitametsa ngitsi nguMosi.”

Matewu 1:21

Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Imisebenti yebaPhostoli 17:26

Wenta tonkhe tive ngamuntfu munye kutsi tihlale ebusweni bonkhe bemhlaba, wemisa tikhatsi tekuphakama netekwehla kwato kanye nemikhawulo lapho kufanele tigcine khona.

2 kubaseKorinthe 11:3

Kodvwa ngineluvalo ngani, kutsi njengobe inyoka yakhohlisa Eva ngebucili bayo, nani tingcondvo tenu tingahle tedukiswe niyekele kutinikela kuKhristu ngeliciniso nangebumsulwa.

1 kuThimothi 2:13

Ngobe phela Adamu wentiwa kucala, kwase kulandzela Eva;

1 Samuweli 1:20

Ngekuhamba kwesikhatsi Hana wakhulelwa watala indvodzana, wayetsa libito watsi nguSamuweli, atsi: “Ngamcela kuSimakadze.”