Genesisi 3:18 - Siswati 1996 Bible

¹⁸ Uyawukuvetela emanyeva nelukhula, wena uyakudla lokumila esigangeni.

Genesisi 3:18 Referencias Cruzadas

Genesisi 3:17

Ku-Adamu watsi: “Njengobe ulalele livi lemfati wakho, wasidla lesitselo salesihlahla lengakuyala ngaso ngatsi: ‘Ungasidli,’ umhlaba sewucalekisiwe ngenca yakho. Sewuyakudla kuwo kamatima onkhe emalanga ekuphila kwakho.

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Jobe 1:21

watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.”

Jobe 31:40

nakunjalo-ke, akuvumbuke emanyeva kulo esikhundleni sakolo; kuvumbuke lukhula esikhundleni sebhali.” Aphela lapho-ke emavi aJobe.

Jobe 5:5

Sivuno saso sidliwa ngulabalambile, basikhosholote ngisho lesisekhatsi kulamnyama emacobhe. Labomile bahahela umcebo waso kutsi bawufuhlute bawucedze.

Tihlabelelo 104:2

Kukhanya kuyingubo lotembese ngayo, weneke emazulu njengekumiswa kwelithende;

Tihlabelelo 90:3

Umuntfu umbuyisela elutfulini utsi: “Buyelani nine bantfwana bebantfu nibe lutfuli lenabunjwa ngalo.”

Taga 22:5

Indlela yemuntfu longaketsembeki igcwele emanyeva netingibe; kodvwa lowo lonakekela imphilo yakhe uyakuyigegela leyo ndlela.

Taga 24:31

Kwakunemena wesaphulamshini, nembabatane, nelutsango lwakhona seluwile.

Isaya 32:13

nangenca yelive lesive sami, live lelene emanyeva netinchachabutane, yebo, lilelani tonkhe tindlu tekutijabulisa kanye nalelidolobha lekutijabulisa.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 7:23

Ngalelo langa kuto tonkhe tindzawo lapho kwakunenkhulungwane yemivini leyayingabita tinhlavu letiyinkhulungwane tesiliva, sekuyakwena kube netitfwetfwe nemanyeva.

Isaya 7:24

Emadvodza ayakuya lapho aphetse butjoki bawo nemicibisholo yawo, ngobe lelo live liyawube selene ngetitfwetfwe nangemanyeva.

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 4:3

Naku lokushiwo nguSimakadze emadvodzeni akaJuda newaseJerusalema, utsi: “Limani umhlaba wenu longakalinywa, ningahlanyeli nje ekhatsi emanyeveni.

Matewu 13:7

Lenye inhlanyelo yawela emanyeveni, yamila; emanyeva akhula aminyetela titfombo.

KubaseRoma 14:2

Lomunye lukholo lwakhe lumvumela kutsi angadla nome yini, kantsi lobutsakatsaka ekukholweni udla tibhidvo kuphela.

KumaHebheru 6:8

Kodvwa nangabe umhlaba umilisa emanyeva netinchachabutane, awunamsebenti walutfo, futsi usengotini yekucalekiswa nguNkulunkulu; nesiphetfo sawo kushiswa ngemlilo.

Joshuwa 23:13

nibovele nati kutsi Simakadze Nkulunkulu wenu angeke asaticosha letive embikwenu. Esikhundleni saloko tiyawuba tingibe nabosochaka kini, netiswebhu emihlane yenu, nemanyeva emehlweni enu, nize nibhubhe niphele kulelive lelihle Simakadze Nkulunkulu wenu laniphe lona.