Genesisi 3:17 - Siswati 1996 Bible

¹⁷ Ku-Adamu watsi: “Njengobe ulalele livi lemfati wakho, wasidla lesitselo salesihlahla lengakuyala ngaso ngatsi: ‘Ungasidli,’ umhlaba sewucalekisiwe ngenca yakho. Sewuyakudla kuwo kamatima onkhe emalanga ekuphila kwakho.

Genesisi 3:17 Referencias Cruzadas

Genesisi 3:11

Nkulunkulu wambuta watsi: “Ngubani losakutjele kutsi uhamba ngcunu? Sewusidlile yini lesitselo salesihlahla lengakuyala ngaso kutsi ungabosidla?”

Genesisi 3:18

Uyawukuvetela emanyeva nelukhula, wena uyakudla lokumila esigangeni.

Genesisi 3:6

Ngako-ke watsi umfati kube abone kutsi lesihlahla sasifanelwe kudliwa, nekutsi sasibukeka sisihle, nekutsi lesihlahla sasifanele kumhlakaniphisa umuntfu, wakha kulesihlahla wadla. Wanika nendvodza yakhe, nayo yadla.

Genesisi 5:29

Lendvodzana wayetsa libito, watsi nguNowa, atsi: “Lona-ke nguye lotasidvudvuta emsebentini wetfu nasekukhatsatekeni kwetfu kuwo lomhlabatsi lowacalekiswa nguSimakadze.”

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Jobe 14:1

“Umuntfu lotelwe ngumfati unemalangana nje lambalwa ekuphila, nawo agcwele lusizi.

Jobe 21:17

“Kukangakhi nje sibane salababi sicinywa? Ngukangakhi kona lababi behlelwa sehlakalo? Nkulunkulu uke abajezise ngentfukutselo yini?

Tihlabelelo 127:2

Kulite kini kuvuka ekuseni nephute nekulala, nidle nekudla kwekuhlupheka, ngobe Nkulunkulu uyamupha lotsandzekako wakhe ebusuku aselele.

Umshumayeli 2:11

Ngako ngesuka lapho ngayibukisisa kahle yonkhe imisebenti yetandla tami, wonkhe umshikashika nekukhandleka kwami bekulite, kufanana nekucosha umoya! Kute lokwaba yinzuzo lapha ngaphansi kwemtfunti welilanga.

Umshumayeli 2:17

Ngako ngakutondza kuphila, ngobe konkhe lokwentiwako lapha ngaphansi kwemtfunti welilanga kuhlupheka kimi. Konkhe loku kulite, kufanana nekucosha umoya.

Umshumayeli 5:17

Onkhe emalanga akhe udlela ebumnyameni, ngekukhatsateka lolukhulu, nelusizi, nelulaka.

Matewu 22:12

yatsi kuye: ‘Mnganami, ungene njani lapha ungenayo ingubo yemshado?’ Kepha yena wathula.

Matewu 25:45

INkhosi iyawubaphendvula itsi: ‘Ngicinisile, ngitsi kini: Loko leningakwentanga kulomunye walaba labancane, anikwentanga kimi.’

Lukha 19:22

Yase itsi lenkhosi kuso: ‘Wena sisebenti lesibi, ngitakulahla ngelicala ngemavi akho! Uyati kutsi ngingumuntfu lonelulaka, ngitsatsa lokungesiko kwami, ngivune lapho ngingazange ngihlanyele khona!

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

KumaHebheru 6:8

Kodvwa nangabe umhlaba umilisa emanyeva netinchachabutane, awunamsebenti walutfo, futsi usengotini yekucalekiswa nguNkulunkulu; nesiphetfo sawo kushiswa ngemlilo.