Genesisi 29:32 - Siswati 1996 Bible

³² Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 29:32 Referencias Cruzadas

Genesisi 16:11

Ingilosi yachubeka yatsi kuye: “Ase ubuke nje, sewukhulelwe, utawutala indvodzana uyetse libito utsi ngu-Ishmayeli, ngobe Simakadze ukuvile kuhlupheka kwakho.

Genesisi 29:31

Watsi kube abone Simakadze kutsi Leya uyaliwa, wavula sitalo sakhe; kepha Rakheli waba yinyumba.

Genesisi 31:42

Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:23

Emadvodzana aLeya bekuboRubeni, litubulo laJakobe, bese kuba nguSimeyoni, naLevi, naJuda, na-Isakhari, naZebuloni.

Genesisi 37:29

Rubeni watsi ubuyela kulomgodzi wakhandza Josefa angasekho, wadzabula timphahla takhe.

Genesisi 42:22

Rubeni wakhuluma watsi: “Angitsi nganitjela kutsi ningamlimati lomfana. Kodvwa nangete nangilalela. Manje sekumele sitilandze ngaleyo ngati yakhe.”

Genesisi 42:27

Kwatsi lapho befike baphumula khona, lomunye wabo watsi uvula esakeni lakhe atewupha imbongolo yakhe, wakhandza imali yakhe emlonyeni welisaka lakhe.

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

Tihlabelelo 106:44

Noko walunaka lusizi lwabo, asakuvile kukhala kwabo.

Tihlabelelo 25:18

Buka kuhlupheka kwami nekukhandleka kwami, ungitsetselele tonkhe tono tami.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Eksodusi 4:31

Ngako bakholwa. Batsi kube beve kutsi Simakadze ubanakile nekutsi abesakubonile kuhlupheka kwabo, bakhotsamisa tinhloko tabo bakhonta Simakadze.

Hezekeli 48:6

“Rubeni uyawuba nesabelo sinye; siyawugudla umnyele welive laka-Efrayimu kusukela ngasemphumalanga kuye ngasenshonalanga.

Numeri 1:5

Lawa-ke ngemabito emadvodza lenitawusitana nawo kulomsebenti: “Emndenini wakaRubeni kuyawuba ngu-Elisuri, umsa waShedewuri.

Lukha 1:25

Wase utsi: “Manje ekugcineni iNkhosi seyingisitile. Seyilisusile lihlazo lami ebantfwini.”

Dutheronomi 26:7

Sakhala kuSimakadze, Nkulunkulu wabobabemkhulu, Simakadze wakuva kukhala kwetfu, wakubona kuhlupheka kwetfu, nekushikashikeka kwetfu, kanye nekucindzetelwa kwetfu.

Dutheronomi 27:13

Letive leti ngito futsi letiyakuma naseNtsabeni i-Ebhali tikhulume ticalekiso: sive sakaRubeni, nesakaGadi, nesaka-Asheri, nesakaZebuloni, nesakaDani kanye nesakaNaftali.

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”

1 Samuweli 1:20

Ngekuhamba kwesikhatsi Hana wakhulelwa watala indvodzana, wayetsa libito watsi nguSamuweli, atsi: “Ngamcela kuSimakadze.”