Genesisi 28:5 - Siswati 1996 Bible

⁵ Ngako-ke Isaka wahambisa Jakobe wamyisa eMesophothamiya kaLabani umsa waBethuweli, um-Aramu, umnakaboRebheka, unaboJakobe na-Esawu.

Genesisi 28:5 Referencias Cruzadas

Genesisi 22:23

Bethuweli watala Rebheka. Laba-ke labasiphohlongo Milkha wabatala kuNahori, umnakabo-Abrahama.

Genesisi 24:54

Lenceku kanye nemadvodza beyihamba nawo badla, banatsa, bahlala khona busuku bonkhe. Nabavuka ngakusasa ekuseni lenceku yatsi: “Ngikhululeni, ngibuyele enkhosini yami.”

Genesisi 25:20

Isaka watsi nasaneminyaka lengema-40 watsatsa Rebheka, indvodzakati yaBethuweli, um-Aramu wasePhadani Aramu, dzadzewabo Labani, um-Aramu.

Genesisi 27:43

Ngako-ke, ndvodzana yami, lalela livi lami: Baleka masinyane uye kamnaketfu Labani eHarani;

Genesisi 28:2

Hamba uye eMesophothamiya ekhabonyoko, kaBethuweli, utitsatsele khona umfati emadvodzakatini aLabani, malume wakho.

Genesisi 29:1

Jakobe wachubeka neluhambo lwakhe waya eveni lebantfu bangasemphumalanga.

Genesisi 29:12

Jakobe watjela Rakheli watsi: “Mine ngisihlobo seyihlo, ngitalwa nguRebheka.” Rakheli wagijima wayawutjela uyise.

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Hezekeli 27:16

“ ‘Base-Aramu babetsengiselana nawe ngenca yebunyenti bemikhitsito yakho, babekutsengisela timphahla takho ngematje laligugu laluhlata, nangetindvwangu letibukhwebeletane, naletihlotjisiwe, nangelineni lecolisakele, nangekhorali, nangemarubhi.

Hoseya 12:12

Jakobe wabalekela eveni lase-Aramu; Israyeli wasebentela kutfola umfati, ngekwelusa timvu.

Dutheronomi 26:5

Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.