Genesisi 28:4 - Siswati 1996 Bible

⁴ Shangatsi angakunika sibusiso sa-Abrahama, wena kanye netitukulwane takho, uze ulitsatse libe lakho lelive losihambi kulo kwamanje, Nkulunkulu lalinika Abrahama!”

Genesisi 28:4 Referencias Cruzadas

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

Genesisi 15:8

Kepha Abrama watsi: “Nkhosi, Simakadze, ngitakwati ngani kutsi lelive litawuba ngelami?”

Genesisi 27:33

Isaka wetfuka wachachatela kamatima wonkhe umtimba watsi: “Kantsi ngubani lona loletse inyama yenyamatane lapha kimi, ngayidla yonkhe ungakefiki wena, ngase ngiyambusisa? Ngempela utawubusiswa yena.”

Genesisi 37:1

Jakobe wachubeka wahlala eKhenani, live lapho bekuhlala khona uyise.

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Eksodusi 6:4

Ngaphindze ngenta sivumelwane sami kanye nabo, ngabetsembisa kutsi ngiyawubanika live laseKhenani, lapho babehlala khona njengetihambi.

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

KubaseGalathiya 3:8

UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.