Genesisi 28:21 - Siswati 1996 Bible

²¹ ngidzimate ngibuyele ngekuthula ekhaya ketfu, khona-ke Simakadze uyawuba nguNkulunkulu wami.

Genesisi 28:21 Referencias Cruzadas

2 Samuweli 15:8

Ngesikhatsi inceku yakho iseseGeshuri kulaseSiriya ngenta sifungo ngatsi: ‘Nangabe Simakadze angibuyisele eJerusalema, Simakadze ngiyakumkhonta eHebroni!’ ”

2 Samuweli 19:24

Mefiboshethi naye, umntfwanemntfwana Sawula, wehla watawuhlangabeta inkhosi Davide. Abengazange atigeze tinyawo takhe, nesilevu sakhe abengazange asihhule, netimphahla takhe abengazange atigeze kusukela mhlazane inkhosi, Davide, iphuma eJerusalema kwaze kwaba lilanga leyabuya ngalo iphephile.

2 Samuweli 19:30

Mefiboshethi waphendvula watsi: “Siba akasale atsatsa konkhe, kimi sekwenele lokutsi inkhosi yami ibuye ekhaya iphephile.”

2 Emakhosi 5:17

Namani watsi: “Nangabe awusemukeli lesipho, ngicela kutsi ngimane ngetfwale imitfwalo yenhlabatsi lengetfwalwa ngiminyuzi lemibili, ngihambe nayo ngiye ekhaya, ngobe inceku yakho ingeke inikele ngemihlatjelo nome ngukumuphi nkulunkulu ngaphandle kwaSimakadze.

1 Tikhronike 4:10

Jabesi wakhala kuNkulunkulu wema-Israyeli, watsi: “Ngicela ungibusise ungandzisele live lami! Shangatsi sandla sakho singaba nami, ungiphephise engotini, khona ngitewukhululeka ebuhlungwini.” Nkulunkulu wamupha loko labekucelile.

Eksodusi 15:2

Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.

Dutheronomi 26:17

Lamuhla netsembisile natsi Simakadze unguNkulunkulu wenu, nekutsi niyawuhamba endleleni yakhe, nigcine timiso takhe, nemiyalo yakhe kanye nemitsetfo yakhe, nekutsi futsi niyawumlalela.

Tikhulu 11:31

nome ngabe ngubani loyawuphuma kucala emnyango wendlu yami kungihlangabeta nase ngibuya ekuncobeni imphi yema-Amoni, uyawuba waSimakadze; ngiyawunikela ngaye abe ngumnikelo wekushiswa.”