Genesisi 28:16 - Siswati 1996 Bible

¹⁶ Jakobe waphaphama ebutfongweni, watsi: “Kantsi Simakadze ukulendzawo, bengingakwati-ke loku.”

Genesisi 28:16 Referencias Cruzadas

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

Jobe 33:14

Ngobe Nkulunkulu uyakhuluma nome ngayiphi indlela. Kulesinye sikhatsi kuba ngulomuntfu longacondzi kutsi utsini Nkulunkulu.

Jobe 9:11

Nome endlula ngakimi, ngingeke ngimbone, nakendlula ngendlela yami, ngingeke ngimuve.

Tihlabelelo 139:7

Ngingayaphi ngisuke kuMoya wakho? Ngingashona kuphi ngibaleke ebusweni bakho?

Tihlabelelo 68:35

Uyesabeka, Nkulunkulu, endzaweni yakho lengcwele. Nkulunkulu wema-Israyeli, nguwe lonika bantfu emandla nekucina. Akadvunyiswe Nkulunkulu!

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Eksodusi 3:4

Simakadze watsi kube abone kutsi Mosi uyaphambukela kutewubona, wamemeta watsi: “Mosi! Ye Mosi!” Mosi wasabela watsi: “Ngilapha!”

Eksodusi 3:5

Nkulunkulu watsi: “Ungasasondzeli, khumula tincabule takho, ngobe lendzawo lome kuyo ingumhlabatsi longcwele.

Isaya 8:13

Simakadze longuSomandla, nguye lekufanele nimati ngekutsi ungcwele. Nguye lekufanele nimesabe nimhloniphe. Nguye lekumele nitfutfumele ngaye.

Jeremiya 31:26

Loku kwangenta ngavuka ngacalata ndzawo tonkhe. Butfongo bami bebumnandzi kimi.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

Joshuwa 5:15

Indvuna yemphi yaSimakadze yaphendvula, yatsi: “Khumula tincabule takho, ngobe lendzawo lome kuyo ingcwele.” Joshuwa wenta njengobe atjeliwe.