Genesisi 28:15 - Siswati 1996 Bible

¹⁵ Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 28:15 Referencias Cruzadas

Genesisi 21:20

Nkulunkulu waba naye lomntfwana. Wakhula, akhulela ehlane, waba yingcweti kutebutjoki.

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

Genesisi 26:3

Hlalahlala kulelive, ngitawuba nawe ngikubusise, ngobe onkhe lamave ngitawuwanika wena netitukulwane takho. Ngitasifeza setsembiso sami lengasenta kuyihlo Abrahama.

Genesisi 30:25

Watsi Rakheli asatele Josefa, Jakobe watsi kuLabani: “Ase ungikhulule, ngihambe ngibuyele ekhaya kitsi naseveni lakitsi.

Genesisi 31:13

NginguNkulunkulu waseBetheli, lapho wagcoba khona litje ngemafutsa, walenta sikhumbuto, wafunga kimi. Sukuma-ke manje, utfutse kulelive, ubuyele eveni lakini, lapho kunenkhaba yakho khona.’ ”

Genesisi 31:3

Simakadze wakhuluma kuJakobe watsi: “Hamba ubuyele eveni lakini, lapho watalelwa khona, ngitawuba nawe.”

Genesisi 31:5

Wafike wakhuluma kubo watsi: “Sengibonile kutsi buso beyihlo abusangijabuleli njengakucala, kodvwa Nkulunkulu wababe abenami.

Genesisi 32:9

Jakobe wase uyathandaza watsi: “Nkulunkulu wababemkhulu Abrahama, naNkulunkulu wababe wami Isaka! Simakadze, wena wakhuluma kimi watsi: ‘Ncandzeka ubuyele eveni lakini, nasetihlotjeni takho, mine ngitakwentela lokuhle.’

Genesisi 35:3

Sitawusuka la siye eBetheli, lapho ngitawufika ngakhe khona lilati laNkulunkulu, lowangiva wangiphendvula ngesikhatsi sekuhlupheka kwami, nalowaba nami yonkhe indzawo lapho ngangihamba khona.”

Genesisi 39:2

Simakadze waba naJosefa wamphumelelisa kuko konkhe. Josefa abehlala kalomnumzane waseGibhithe.

Genesisi 39:21

Simakadze wajinge waba naye, wamentela umusa, wamupha kutsandzeka emehlweni emgcinijele.

Genesisi 46:4

Ngitawuba nawe ngehle ngiye eGibhithe, ngiyawuphindze ngenyuke nawe ngikubuyise futsi; Josefa cobo lwakhe nguye loyawuvala emehlo akho ekufeni kwakho ngetandla takhe.”

Genesisi 48:16

Shangatsi lengilosi leyangiphephisa kuto tonkhe tingoti ingababusisa labafana. Shangatsi bangabitwa ngelibito lami, nangelibito labobabe Abrahama na-Isaka. Shangatsi bangandza, babe banyenti emhlabeni.”

Genesisi 48:21

Israyeli wakhuluma kuJosefa watsi: “Manje sengitawufa, kodvwa Nkulunkulu utawuba nani, aphindze anibuyisele eveni labokhokho benu.

1 Emakhosi 8:57

Shangatsi Simakadze Nkulunkulu wetfu angaba natsi, njengobe abenabo nabobabemkhulu, amane angasishiyi, futsi angasikhohlwa.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 91:11

Ngobe Nkulunkulu uyawuyala tingilosi takhe ngawe tikulondvolote ekuhambeni kwakho konkhe.

Eksodusi 13:11

“Simakadze utaningenisa eveni lemaKhenani lanetsembisa lona nine nabokhokho benu, wacinisa setsembiso sakhe ngekufunga. Nakanipha lelive,

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Jeremiya 1:19

Bayakulwa nawe, kodvwa bangeke bakwehlule, ngobe mine nginawe, futsi ngiyawukwelekelela,” kusho Simakadze.

Jeremiya 16:15

kodvwa bayakutsi: ‘Ngifunga kuphila kwaSimakadze, lowakhipha ema-Israyeli eveni lasenyakatfo, nakuwo onkhe emave lapho abebacoshele khona.’ Ngobe ngiyakubabuyisela kulelo live lengalinika boyisemkhulu.”

Levithikusi 26:42

ngiyawusikhumbula sivumelwane sami naJakobe, sivumelwane sami na-Isaka, sivumelwane sami na-Abrahama, ngilikhumbule live.

Levithikusi 26:45

Kodvwa ngenca yabo ngiyawusikhumbula sivumelwane sami nabokhokho babo, lengabakhipha eveni laseGibhithe embikwato tonkhe tive kutsi ngitewuba nguNkulunkulu wabo. NginguSimakadze.’ ”

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

Numeri 6:24

“ ‘Shangatsi Simakadze angakubusisa akugcine.

Matewu 18:20

“Ngobe lapho kuhlangene khona lababili nome labatsatfu egameni lami, nami ngikhona emkhatsini wabo.”

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Dutheronomi 30:3

Simakadze Nkulunkulu wenu uyawunibuyisela tonkhe tibusiso tenu, anihawukele aphindze anibutse kuto tonkhe leto tive, lapho abenisakatele khona.

Dutheronomi 31:6

Cinani nime, nibe nesibindzi. Ningatesabi futsi ningatfutfumeli ngato, ngobe Simakadze Nkulunkulu wenu uhamba nani; angeke anishiye, futsi angeke aniyekele.”

Dutheronomi 31:8

Simakadze, yena matfupha, uhamba embikwakho, futsi uyawuba nawe; angeke akushiye futsi angeke akuyekele. Ungesabi; ungalahlekelwa litsemba.”

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

YaJuda 1:1

Lencwadzi iphuma kumnakaboJakobe longuJuda, sisebenti saJesu Khristu. Iya kulabo lababitwe nalabatsandvwe nguNkulunkulu longuBabe, labalondvolotelwe Jesu Khristu.

Tikhulu 6:16

Simakadze waphendvula, watsi: “Ngitakuba nawe, wena-ke utawugadla emaMidiyani uwabulale kube sengatsi ugalela umuntfu munye.”