Genesisi 27:41 - Siswati 1996 Bible

⁴¹ Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 27:41 Referencias Cruzadas

Genesisi 27:42

Kodvwa Rebheka watsi kube atjelwe ngaloku Esawu, indvodzana yakhe lendzala, labesatimisele kukwenta, Rebheka wabita Jakobe, indvodzana yakhe lencane, wayitjela watsi: “Lalela la, umnakenu Esawu utidvudvuta ngekutsi utakubulala.

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

Genesisi 32:3

Jakobe watfumela tigijimi ku-Esawu umnakabo, eveni laseSeyiri, kulaka-Edomu.

Genesisi 32:6

Titfunywa tabuya kuJakobe, tafike tatsi: “Simkhandzile umnakenu Esawu; naye sewuyeta utekuhlangabeta, uta nemadvodza langemakhulu lamane.”

Genesisi 35:29

Wafa asamdzala kakhulu, walandzela bokhokho bakhe. Wangcwatjwa bo-Esawu naJakobe, emadvodzana akhe.

Genesisi 37:18

Kodvwa bona bambona asesekhashane eta kubo, watsi asengakefiki, bavumelana ngekutsi bambulale.

Genesisi 37:4

Batsi kube bomnakabo babone kutsi uyise umtsandza kakhulu kunabo bonkhe, base bayamtondza loJosefa, kangangekutsi babengasamkhulumisi kahle.

Genesisi 37:8

Labomnakabo bambuta batsi: “Usho kutsi wena utawuba yinkhosi ubuse etikwetfu?” Bachubeka bamtondza kakhulu ngenca yemaphupho akhe nenkhulumo yakhe.

Genesisi 50:15

Kwatsi kube bomnakaboJosefa babone kutsi uyise sewufile, bakhuluma bodvwana batsi: “Kungahle kwenteke kutsi Josefa usasibambele emagcubu, afune kutenanela ngako konkhe lokubi lesamenta kona.”

Genesisi 50:2

Josefa wayala tisebenti takakhe nabochwephesha bekomisa tidvumbu kutsi batsatse sidvumbu seyise bayesomisa ngemitsi kuze singaboli; ngempela sidvumbu sa-Israyeli somiswa ngemitsi.

2 Tikhronike 35:24

Ngako tamsusa encoleni yakhe yemphi, tambeka kulenye incola yemphi labete nayo, tambuyisela ekhaya eJerusalema, lapho afike wakhotsamela khona. Wafihlwa emadlizeni aboyisemkhulu, sonkhe sive sakaJuda nesaseJerusalema salila kakhulu ngaye.

Tihlabelelo 142:3

Umoya wami nase uphelelwa ngemandla, wena ucaphela tinyatselo tami. Endleleni lapho ngitawuhamba khona bangifihlele lugibe.

Tihlabelelo 35:14

Kimi kwafanana nekutsi babangani bami nome bomnaketfu. Ngahamba ngikhala, kwaba shangatsi ngifelwe ngumake, ngadzabuka ngaba nelusizi.

Tihlabelelo 37:16

Lokuhle lokuncane lanako lolungile, kuncono kunemcebo wonkhe walababi.

Taga 1:16

ngobe tinyawo tabo tigijimela lokubi, basheshe bacitse ingati.

Taga 18:19

Sita umnakenu, uyawukusita akuvikele abe njengelubondza lwelidolobha; kodvwa nawucabana naye, uyawukuvalela umnyango.

Taga 6:14

Sonkhe sikhatsi sakha emachinga ebubi enhlitiyweni yaso, sisuse nelutfutfuva lwekulwa.

Umshumayeli 7:9

Ungasheshi ucansuke emoyeni wakho, ngobe intfukutselo ihlala esifubeni sesilima.

Hezekeli 35:5

“ ‘Njengobe wafukamela butsa bakadzeni, wanikela ema-Israyeli enkembeni ngesikhatsi senhlekelele yawo, ngesikhatsi sesijeziso sawo sekuphela, ehlulelwa ngenca yalokubi kwawo,

Dutheronomi 34:8

Sive saka-Israyeli salilela Mosi ematsafeni akaMowabi emalanga langema-30, kwaze kwaphela leso sikhatsi sekukhala nekulila.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.