Genesisi 27:19 - Siswati 1996 Bible

¹⁹ Jakobe wamphendvula watsi: “Ngingu-Esawu, litubulo lakho; sengikwentile konkhe longitfume kona, babe. Vuka, utekudla inyama yenyamatane, bese uyangibusisa.”

Genesisi 27:19 Referencias Cruzadas

Genesisi 25:25

Lekucala laphuma libovana, lilihwanca wonkhe umtimba, njengengubo yeboya. Baletsa batsi ngu-Esawu.

Genesisi 25:28

Isaka abetsandza Esawu, ngobe abedla inyama yenyamatane labeyitingela; kepha Rebheka abetsandza Jakobe.

Genesisi 27:18

Jakobe waya kuyise wafike watsi: “Babe.” Wamphendvula watsi: “Yebo, msawami. Ungubani wena?”

Genesisi 27:21

Isaka watsi kuJakobe: “Sondzela ngitekuphatsa, msawami, ngiteba neliciniso kutsi unguye sibili yini Esawu, indvodzana yami, nome cha.”

Genesisi 27:31

Naye walungisa kudla lokumnandzi wakumikisa kuyise. Wafike watsi kuye: “Ngicela asale avuka babe, adle inyama yenyamatane layilungiselwe yindvodzana yakhe, khona atekuyibusisa.”

Genesisi 27:35

Isaka wamphendvula watsi: “Umnakenu ufike wangiyenga, watsatsa sibusiso sakho.”

Genesisi 27:4

ungilungisele kudla lokumnandzi, ungiletsele kona ngitewudla, bese ngiyakubusisa, ngingakafi.”

Genesisi 27:45

Nangabe kutfukutsela kwakhe sekutse gogololo, asakukhohliwe naloku lokwente kuye, ngiyakutfumela ngikulandze. Ngesaba kulahlekelwa ngini nobabili ngalanga linye.”

1 Emakhosi 13:18

Nalomphrofethi lomdzala waphendvula, watsi: “Nami futsi ngingumphrofethi njengawe. Ingilosi ikhulume kimi ngelivi laSimakadze, yatsi: ‘Mlandze, ute naye lapha kakho, khona atekudla kudla, anatse nemanti.’ ” Kodvwa abecala emanga.

1 Emakhosi 14:2

Jerobowamu wakhuluma kumkakhe, watsi: “Hamba, utifihle ngekwembatsa letinye tingubo, ungabonakali, khona bangetikubona kutsi umgumkaJerobowamu, bese uya eShilo. Umphrofethi Ahiya ukhona lapho, yena lowo lowangitjela kutsi ngitawuba yinkhosi etikwalesive.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”