Genesisi 27:1 - Siswati 1996 Bible

¹ Kwatsi Isaka asamdzala kakhulu, emehlo akhe asafiphele angasaboni kahle. Watfumela wabita Esawu, indvodzana yakhe lendzala, wafike watsi kuye: “Msawami!” Wasabela watsi: “Ngilapha, babe.”

Genesisi 27:1 Referencias Cruzadas

Genesisi 25:33

Jakobe watsi: “Funga kimi kucala.” Ngako-ke wafunga, kwaba kulitsengisa kwakhe kuJakobe lifa lakhe lebutubulo.

Genesisi 48:10

Emehlo a-Israyeli abengasaboni kahle, ngenca yebudzala, abesafifiyela. Ngako Josefa wawasondzeta kuye. Jakobe wawanga, wawagaca ngemikhono.

1 Emakhosi 14:4

Ngako umkaJerobowamu wakwenta konkhe loko labekutjeliwe, wahamba waya endlini ya-Ahiya eShilo. Ahiya abengasaboni emehlweni ngenca yekutsi abesamdzala kakhulu.

Umshumayeli 12:3

Ngaleso sikhatsi balindzi bendlu bayawutfutfumela, nemadvodza lanemandla ayawutfotfobala, lapho basili bayakuyekela kusila, ngobe nalabo basili bayawube sebambalwa; nalabo labalunguta ngemafasitelo bangabe basahlola;

Johane 9:3

Jesu wabaphendvula watsi: “Kute lowona; yena nome batali bakhe, abazange sebente sono lesabangela lobumphumphutse, kepha loku kwenteka khona kutawubonakaliswa imisebenti yaNkulunkulu kuye.

Dutheronomi 34:7

Mosi abesaneminyaka leli-120 budzala ngesikhatsi afa, noko emehlo akhe abengakacundzeki, kantsi futsi nasemtimbeni abesecinile.

1 Samuweli 3:2

Ngalobunye busuku Eli, labesanemehlo labutsakatsaka asabona kalufifi, abelele endzaweni yakhe njengasemihleni.