Genesisi 26:8 - Siswati 1996 Bible

⁸ Isaka wahlala sikhatsi lesidze kuleyo ndzawo. Ngalelinye lilanga Abimeleki, inkhosi yemaFilisti, yatsi ihlola ngelifasitelo, yabona Isaka anga Rebheka, umkakhe.

Genesisi 26:8 Referencias Cruzadas

Genesisi 26:7

Kwatsi nakabutwa ngemadvodza aleyo ndzawo ngemfati wakhe, yena watsi ngudzadzewabo. Abengeke avume kutsi ngumkakhe, ngobe abesaba emadvodza aleyo ndzawo kutsi angahle ambulale ngenca yaRebheka. Phela Rebheka abemuhle, abukeka.

Genesisi 26:9

Ngako-ke Abimeleki wabita Isaka wambuta watsi: “Kantsi vele ngumkakho yini lo! Kepha ukwentelani lokuhambe utsi ngudzadzewenu?” Isaka wamphendvula watsi: “Kungobe bengicabanga ngitsi: ‘Ngingahle ngife ngenca yaRebheka!’ ”

Taga 7:6

Ngalelinye lilanga ngime ngasefasitelweni lendlu yami, ngabuka phansi emgwacweni.

Umshumayeli 9:9

Tijabulise ngekuphila nemfati wakho lomtsandzako, kuto tonkhe tinsuku letendlula ngekushesha, Nkulunkulu lakuphe tona lapha ngaphansi kwemtfunti welilanga. Ngobe phela loko sabelo sakho ekuphileni kwakho nasekukhandlekeni kwakho lapha ngaphansi kwemtfunti welilanga.

Ingoma Yetingoma 2:9

Longitsandzako unjengemphala nanjengelitfole lemgankla. Bukela! Nango phela aseme emvakwelubondza lwakitsi, uhlola ngemafasitelo, alungute ngetikhala telutsango.

Isaya 62:5

Njengelijaha nalishada nentfombi, kanjalo-ke nemadvodzana akho ayawushada nawe; njengemyeni nakajabula ngamakoti wakhe, kanjalo-ke naNkulunkulu wakho uyawujabula ngawe.

Tikhulu 5:28

“Unina waSisera wahlola ngelifasitelo, wakhala emvakwelutsango lwendlu watsi: ‘Kwentiwa yini kutsi incola yakhe yephute kangaka kubuya? Kwentiwa yini bukhehlekhehle betincola takhe bephute kuvakala?’