Genesisi 25:8 - Siswati 1996 Bible

⁸ Abrahama wafa asamdzala kakhulu asenelisekile emphilweni; walandzela bokhokho bakhe.

Genesisi 25:8 Referencias Cruzadas

Genesisi 15:15

Wena-ke utawukhula, ufe ngekuthula sewumdzala kakhulu, ungcwatjwe.

Genesisi 25:17

Ishmayeli waphila iminyaka leli-137, wafa; walandzela bokhokho bakhe.

Genesisi 25:7

Abrahama waphila iminyaka leli-175.

Genesisi 35:18

Kwatsi nasafa wetsa loluswane lwakhe watsi nguBhenoni, kodvwa uyise wametsa libito watsi nguBhenjamini.

Genesisi 37:35

Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

Genesisi 49:29

Jakobe wabe sewuyabayala utsi: “Sekusele kancane ngilandzele bokhokho. Ngicela ningingcwabe kubokhokho emhumeni losensimini ya-Efroni, umHethi.

Genesisi 49:33

Watsi kube Jakobe acedze kuwayala emadvodzana akhe, wabuyela walala wafa, walandzela bokhokho bakhe.

Genesisi 50:13

Emadvodzana aJakobe ametfwala uyise ambuyisela eveni laseKhenani, amngcwaba emhumeni wensimi yaseMakhaphela, ngasemphumalanga yeMamre. Lomgedze watsengwa kanye nensimi ngu-Abrahama ku-Efroni, umHethi, kutsi ube yindzawo yekungcwaba.

1 Tikhronike 23:1

Kwatsi Davide nasakhulile kakhulu asalikhehla, wase ubeka Solomoni, umsa wakhe, kutsi abe yinkhosi yema-Israyeli.

1 Tikhronike 29:28

Wafa asamdzala kakhulu, asatenelisile ngemphilo lendze, nangemcebo, nangekuhlonishwa. Solomoni, umsa wakhe, watsatsa sikhundla sakhe waba yinkhosi.

2 Tikhronike 24:15

Jehoyada abesamdzala kakhulu, asagugile, wafa asaneminyaka leli-130.

Jobe 41:32

Lapho ahambe khona kusala kunemagwebu, ungaze ucabange kutsi kujula kunetinwele letimhlophe.

Jobe 42:17

Jobe wafa asamdzala, asakhulile ngeminyaka.

Jobe 5:26

Uyawuya ethuneni ugcwele emandla, wenelisekile ngebudzala njengetitfungo letibutfwa ngesikhatsi sato lesifanele.

Taga 20:29

Ludvumo lwalabasha ngemandla abo; labadzala bahlonishelwa bumphunga babo.

Jeremiya 6:11

Kodvwa mine ngigcwele lulaka lwaSimakadze, futsi ngingeke ngisalubeketelela lukimi. Simakadze wase utsi kimi: “Lutfululele kubantfwana labasetitaladini, nasemajaheni labutsene ndzawonye; bonkhe bafati nemadvodza abo bayawubhajwa kulo, kanye nalabadzala labo lasebahanjelwe ngiminyaka.

Numeri 20:24

“Aroni sewutakuya kulabafile bakubo, ngako akasoze angene eveni lengilinike ema-Israyeli, ngobe nine nobabili aningihloniphanga ngasemantini aseMeribha.

Numeri 27:13

Utawutsi ungalibona nawe bese uya kubakini, njengemnakenu Aroni,

Imisebenti yebaPhostoli 12:23

Khona lapho ingilosi yeNkhosi yashaya Herodi, ngobe abengamniki Nkulunkulu ludvumo. Wadliwa tibungu waze wafa.

Imisebenti yebaPhostoli 13:36

“Phela Davide wenta intsandvo yaNkulunkulu ngesikhatsi sekuphila kwakhe; wase uyafa, wembelwa eceleni kwabokhokho bakhe, wabola;

Imisebenti yebaPhostoli 5:10

Masinyane Safira washayeka phansi ngasetinyaweni taPhetro, wafa. Angena futsi emajaha abona kutsi sewufile, asayamtfwala amkhiphela ngephandle amngcwaba eceleni kwendvodza yakhe.

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.

Dutheronomi 32:50

Lapho-ke kuleyo ntsaba lotayekhwela ngulapho uyawufela khona, uye kubakini, njengemnakenu Aroni lowafela eNtsabeni iHori, waya kubakubo.

Tikhulu 2:10

Kwatsi kube sonkhe leso situkulwane sife siphele, kwavela lesinye situkulwane saka-Israyeli lesasingazange simati Simakadze singatani nangetintfo lake watentela sive saka-Israyeli.

Tikhulu 8:32

Gideyoni, umsa waJowashi, wafa asakhulile kakhulu ngeminyaka. Wangcwatjwa ethuneni leyise, Jowashi, lelalise-Ofra, kulema-Abiyezeri.