Genesisi 25:34 - Siswati 1996 Bible

³⁴ Jakobe wase unika Esawu lesiphuphe. Esawu wadla, wanatsa, wasukuma wahamba. Esawu waledzelela kanjalo lifa lebutubulo bakhe.

Genesisi 25:34 Referencias Cruzadas

Genesisi 25:29

Ngalelinye lilanga Jakobe abepheke siphuphe, kwase kufika Esawu aphuma etsafeni, alambe kakhulu.

Genesisi 25:33

Jakobe watsi: “Funga kimi kucala.” Ngako-ke wafunga, kwaba kulitsengisa kwakhe kuJakobe lifa lakhe lebutubulo.

Genesisi 26:1

Kwase kwaba khona lenye indlala eveni, kungesiyo lena leyaka yaba khona ngetikhatsi tabo-Abrahama. Isaka-ke wase uyesuka uya eGerari ka-Abimeleki, inkhosi yemaFilisti.

Genesisi 27:32

Uyise, Isaka, wambuta watsi: “Ungubani wena?” Wamphendvula watsi: “Ngingumsa wakho, Esawu, litubulo lakho.”

Tihlabelelo 106:24

Baledzelela live lelihle, abazange balikholwe livi laSimakadze.

Umshumayeli 8:15

Ngako mine ngincoma kutsi umuntfu kufanele atijabulise ngekuphila kwakhe, ngobe umuntfu ute lutfo loluhle lapha ngaphansi kwemtfunti welilanga, ngaphandle kwekutsi adle, anatse, atijabulise; ngobe loku kuyawuhlala kukuye kuwo wonkhe umshikashika wekuphila kwakhe, Nkulunkulu lamuphe wona lapha ngaphansi kwemtfunti welilanga.

Isaya 22:13

Kodvwa bukani, kuyajatjulwa kubuswe, kuhlatjwa tinkhomo netimvu, yebo, kudliwa inyama, kunatfwe liwayini! Nitsi: “Asidle, sinatse, ngobe kusasa sitakufa!”

Zakhariya 11:13

Simakadze wakhuluma kimi, watsi: “Yijikijele kumbumbi,” lentsengo lenkhulu labangitsengisa ngayo. Ngase ngitsatsa letinhlavu letingema-30 tesiliva ngatijikijela kumbumbi endlini yaSimakadze.

Matewu 22:5

Kodvwa letimenywa atinakanga, tesuka tahamba: Lesinye satiyela ensimini, lesinye satiyela ebhizinisini yaso.

Matewu 26:15

Wafike watsi: “Nitanginikani nanginganiniketa loJesu?” Base bamnika tinhlavu tesiliva letingema-30.

Imisebenti yebaPhostoli 13:41

“ ‘Caphelani, nine tedzeleli! Nimangale nife! Ngobe umsebenti lengiwenta emihleni yenu, nguleningeke niwukholwe, ngisho nome lomunye asanichazela ngawo.’ ”

1 kubaseKorinthe 15:32

Nangabe e-Efesu ngalwa nalokutsiwa tilwane, kungisita ngani loko? Nangabe labafile abavuswa: “Kuncono sidle sinatse, ngobe kusasa sitawufa.”