Genesisi 25:23 - Siswati 1996 Bible

²³ Simakadze wamphendvula watsi: “Esiswini sakho kunetive letimbili. Utawutala tive letitakwehlukana tinhlobo letimbili. Lesinye sive siyawuba nemandla kunalesinye, lomdzala akhonte lomncane.”

Genesisi 25:23 Referencias Cruzadas

Genesisi 17:16

Ngiyawumbusisa, ngikunike indvodzana ngaye. Ngiyawumbusisa, abe ngunina wetive. Kuyawuvela kuye emakhosi etive.”

Genesisi 17:4

“Nasi-ke sivumelwane sami nawe: Uyawuba nguyise wetive letinyenti.

Genesisi 24:60

Bambusisa Rebheka batsi kuye: “Hamba kahle, dzadzewetfu. Shangatsi ungaba ngunina wetinkhulungwane tetinkhulungwane; shangatsi intalo yakho ingawancoba emadolobha etitsa tayo.”

Genesisi 25:24

Kwatsi nakufika emalanga akhe ekubeleka, wabeleka emaphahla.

Genesisi 25:27

Labafana bakhula. Esawu waba ngumtingeli lonelikhono, angumuntfu wasematsafeni, kantsi Jakobe yena abesithuli ahlala ekhaya.

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Genesisi 27:33

Isaka wetfuka wachachatela kamatima wonkhe umtimba watsi: “Kantsi ngubani lona loletse inyama yenyamatane lapha kimi, ngayidla yonkhe ungakefiki wena, ngase ngiyambusisa? Ngempela utawubusiswa yena.”

Genesisi 27:37

Isaka wamphendvula watsi: “Asubuke nje, sengimente waba yinkhosi yakho, ngimnike bonkhe bomnakabo kutsi babe tisebenti takhe. Ngimuphe inala yemabele neyeliwayini. Pho, wena ngingabe ngisakwentelani, ndvodzana yami?”

Genesisi 27:40

Uyawuphila ngenkemba yakho, usebente umnakenu, kodvwa kuyawutsi nawudlubulundzela, uyawulephula lijoko lakhe entsanyeni yakho.”

Genesisi 32:6

Titfunywa tabuya kuJakobe, tafike tatsi: “Simkhandzile umnakenu Esawu; naye sewuyeta utekuhlangabeta, uta nemadvodza langemakhulu lamane.”

Genesisi 33:3

Jakobe wahamba embikwabo bonkhe, wakhotsamela emhlabatsini kasikhombisa, wadzimate wefika kumnakabo.

Genesisi 36:31

Lawa ngemabito emakhosi labebusa eveni laka-Edomu kusengakabusi inkhosi ka-Israyeli:

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

2 Samuweli 8:14

Wase umisa tinkambu temasotja kulo lonkhe laka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

1 Emakhosi 22:47

Kwasala sekute inkhosi e-Edomu; ngako kwase kubambe lisekela.

1 Tikhronike 18:13

Wase umisa tinkambu temasotja kulaka-Edomu. Onkhe ema-Edomu ase aba ngaphansi kwaDavide. Simakadze wapha Davide kuncoba nome ngukuphi lapho ahlasela khona.

Obadiya 1:21

Emachawe aseJerusalema ayawuyincoba iNtsaba iSiyoni alibuse lelive laka-Edomu. Lowo mbuso uyakwenganyelwa nguSimakadze.

Numeri 20:14

Mosi watfumela tigijimi kusuka eKhadeshi, taya enkhosini yaka-Edomu, tafike tatsi: “Umnakenu Israyeli utsi wena uyabati bonkhe bulukhuni lobusehlele.

Dutheronomi 2:4

Nika labantfu nansi imiyalo utsi: “Senitalidzabula ekhatsi lelive lebanakenu, titukulwane ta-Esawu, letihlala eSeyiri. Batawunesaba, kodvwa nibocaphela.

Dutheronomi 2:8

“Ngako sahamba sendlula labanaketfu labatitukulwane taka-Esawu, lababehlala eSeyiri. Sawushiya umgwaco i-Arabha lochamuka e-Elathi nase-Esiyoni Geberi; sahamba ngemgwaco welihlane lakaMowabi.

1 Samuweli 17:14

Davide bekulitfumbu laJese. Laba labatsatfu bekucala bona balandzela Sawula, kwatsi