Genesisi 25:20 - Siswati 1996 Bible

²⁰ Isaka watsi nasaneminyaka lengema-40 watsatsa Rebheka, indvodzakati yaBethuweli, um-Aramu wasePhadani Aramu, dzadzewabo Labani, um-Aramu.

Genesisi 25:20 Referencias Cruzadas

Genesisi 22:23

Bethuweli watala Rebheka. Laba-ke labasiphohlongo Milkha wabatala kuNahori, umnakabo-Abrahama.

Genesisi 24:15

Watsi asengakacedzi nje kuthandaza, kwase kuchamuka Rebheka labetalwa nguBethuweli, umsa waMilkha, umkaNahori, umnakabo-Abrahama. Rebheka weta etjetse imbita yemanti ehlombe lakhe.

Genesisi 24:29

Rebheka abenemnakabo, anguLabani. Labani waphuma wagijima waya kuyo lendvodza, ngasesicojeni.

Genesisi 24:67

Isaka watsatsa Rebheka wamfaka ethendeni lakabo lapho kwake kwahlala unina khona, watsatsa Rebheka wamenta umkakhe, Isaka wamtsandza umkakhe. Ngako-ke Isaka wadvudvuteka emuva kwebuhlungu bekufelwa ngunina.

Genesisi 25:26

Emvakwekuphuma kwalomnakabo, sandla salona lomunye lolandzelako saphuma sibambe sitsendze sa-Esawu, ngako-ke bametsa ngekutsi nguJakobe. Isaka abesaneminyaka lengema-60 nabatalwako.

Genesisi 27:43

Ngako-ke, ndvodzana yami, lalela livi lami: Baleka masinyane uye kamnaketfu Labani eHarani;

Genesisi 28:2

Hamba uye eMesophothamiya ekhabonyoko, kaBethuweli, utitsatsele khona umfati emadvodzakatini aLabani, malume wakho.

Genesisi 28:7

Weva nekutsi Jakobe abebahloniphile boyise nenina ngekutsi ahambe aye eMesophothamiya.

Genesisi 31:18

wayichuba yonkhe imfuyo yakhe kanye nako konkhe kwakhe labekuholile eMesophothamiya, wancandzeka wabuyela kuyise, Isaka, eveni laseKhenani.

Genesisi 31:20

Jakobe wamnyenyela Labani, umSiriya, ngobe akazange amtjele kutsi utawuhamba.

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 33:18

Jakobe wahamba kahle waze wefika ngekuphepha edolobheni laseShekhemu yaseKhenani, nakaphuma eMesophothamiya. Wemisa lithende lakhe madvutane nelidolobha.

Genesisi 35:26

Emadvodzana aZilpha, sisebenti saLeya, bekuboGadi na-Asheri. Ngiwo lawa-ke emadvodzana aJakobe lawatalelwa eMesophothamiya.

Genesisi 35:9

Waphindze futsi Nkulunkulu watibonakalisa kuJakobe ngesikhatsi asabuyile eMesophothamiya, wambusisa.

Genesisi 46:15

Lawa-ke ngemadvodzana aLeya, lawatalela Jakobe eMesophothamiya ngaphandle kwaDina. Asawonkhe emadvodzana nemadvodzakati aLeya abengema-33.

Lukha 4:27

Kwakunemalephelo lamanyenti ka-Israyeli ngesikhatsi semphrofethi Elisha, noko kute nalinye lelaphiliswa emkhatsini wawo ngaphandle kwaNahamani, umSiriya.”

Dutheronomi 26:5

Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.