Genesisi 25:13 - Siswati 1996 Bible

¹³ Emadvodzana a-Ishmayeli ngekwelamana kwawo bekunguNebayothi, litibulo lakhe, naKhedari, na-Adbeli, naMibsamu,

Genesisi 25:13 Referencias Cruzadas

Genesisi 17:20

Ngisivile sicelo sakho nga-Ishmayeli. Naye ngitambusisa ngimente achume andze kakhulu. Utawuba nguyise wetikhulu letili-12, ngimente abe sive lesikhulu.

Genesisi 25:14

naMishma, naDuma, naMasa,

Genesisi 28:9

wesuka wayawutsatsa Mahalathi wamenta umkakhe etikwalabafati labenabo. Mahalathi abengudzadzewaboNebayothi, indvodzakati ya-Ishmayeli, umsa wa-Abrahama.

Genesisi 36:3

naBhasemathi, indvodzakati ya-Ishmayeli, dzadzewabo Nebayothi.

Tihlabelelo 120:5

Maye kimi, lengingumchamuki lapha kaMesheki, ngihlala emathendeni akaKhedari.

Ingoma Yetingoma 1:5

Ngiluhlata, kodvwa ngiyatsandzeka, awu, madvodzakati aseJerusalema, ngiluhlata njengemathende aseKhedari; yebo, njengetindvwangu temathende aSolomoni.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 60:7

Yonkhe imihlambi yaseKhedari iyawubutsanela kuwe, tihhanca takaNebayothi tiyawukukhonta, tibe ngiminikelo leyemukeleka elatini lami, ngiyawulihlobisa lithempeli leludvumo lwami.

Jeremiya 2:10

Yewelelani ngesheya niye elugwini lwaseKhithimu nibuke, tfumelani eKhedari nibukisise kahle, nibone kutsi yake yaba khona yini intfo lefanana nale:

Jeremiya 49:28

Macondzana neKhedari nemibuso yaseHasori, leyahlaselwa nguNebukhadnezari, inkhosi yaseBhabhulona: Naku lokushiwo nguSimakadze, utsi: “Sukumani nihlasele iKhedari, nibhubhise bantfu basemphumalanga.

Hezekeli 27:21

“ ‘Base-Arabiya nabo bonkhe labakhulu baseKhedari bekunguwona makhasimende akho lamakhulu, bona-ke babetsengiselana nawe ngemazinyane etimvu, nangetihhanca tetimvu kanye netimbuti.

Tikhulu 8:24

Wachubeka watsi: “Kunye lengikucelako, kutsi ngulowo nalowo angiphe licici esabelweni senu semphango.” Bekulisiko lema-Ishmayeli kufaka emacici egolide.