Genesisi 24:53 - Siswati 1996 Bible

⁵³ Lenceku yakhipha tintfo tesiliva netegolide, netingubo, yatipha Rebheka. Yaphindze yapha umnakabo nenina tintfo letingemagugu.

Genesisi 24:53 Referencias Cruzadas

Genesisi 24:10

Lenceku yatsatsa emakamela lalishumi emkhatsini wemakamela enkhosi yayo, yahamba netinhlobonhlobo tetipho letiphuma enkhosini yayo. Yesuka yaya eMesophothamiya edolobheni lakaNahori.

Genesisi 24:22

Yatsi kube icedze lentfombi kunatsisa emakamela, lendvodza yatsatsa indandatho yegolide leyayinesisindvo sencenye yelishekheli yayifaka ekhaleni lalentfombi; yatsatsa emajiva egolide labenesisindvo semashekheli lalishumi yawegabisa lentfombi emikhonweni,

2 Tikhronike 21:3

Uyise abebaphe tipho letinyenti tegolide netesiliva netintfo letiligugu kakhulu kanye nemadolobha latinqaba akaJuda, kodvwa umbuso wawupha Jehoramu, njengobe kwakungulona tubulo lakhe.

Ezra 1:6

Bonkhe bomakhelwane babo babasita ngetintfo tesiliva, netegolide, nangetimphahla, nangetifuyo, nangetipho letiligugu kanye nangeminikelo yesihle.

Eksodusi 11:2

Tjela ema-Israyeli kutsi nguleyo naleyo ndvodza nome umfati, akacele kubomakhelwane bakhe babaphe imihlobiso yekugaba, yesiliva neyegolide.”

Eksodusi 12:35

Ema-Israyeli enta njengobe abeyalwe nguMosi, ngobe ase ayicelile imihlobiso yegolide, neyesiliva, kanye nekwekwembatsa.

Eksodusi 3:22

Wonkhe longumfati wem-Israyeli uyawucela kumakhelwane wakhe, acele nome ngukumuphi umfati lohlala ekhaya kakhe kutsi amuphe timphahla tekwembatsa kanye nemihlobiso yesiliva neyegolide. Emadvodzana kanye nemadvodzakati enu ayawuhamba nato letintfo; niyakuwaphundla kanjalo-ke emaGibhithe.”

Ingoma Yetingoma 1:10

Tihlatsi takho timomondziya nje nase tinemacici, nentsamo yakho nase yegatjiswe ingcibo.

Ingoma Yetingoma 4:13

Tilimo takho tilihlatsi lemahananandza lanetitselo telikhetselo, nehena, nenadi,

Isaya 39:2

Hezekiya watemukela ngekujabula letitfunywa, watikhombisa loko lokwakusetindlini takhe tengcebo, lekwakuyisiliva, negolide, netinongo tekudla, nemafutsa lamahle, nato tonkhe tikhali takhe tekulwa, nako konkhe lokwakungatfolakala endlini yakhe yengcebo. Kwabate ngisho nakunye lokwakusesigodlweni sakhe nalokwakusembusweni wakhe wonkhe lokwasala wangete watikhombisa kona.