Genesisi 24:40 - Siswati 1996 Bible

⁴⁰ “Yangiphendvula yatsi: ‘Simakadze lengihamba embikwakhe utawutfumela ingilosi yakhe ihambe nawe, akuphumelelise endleleni yakho. Indvodzana yami uyawuyitsatsela umfati esiveni sakitsi, elusendvweni lwaketfu.

Genesisi 24:40 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 24:56

Kepha inceku yatsi kubo: “Ningangibambeleli, ngobe Simakadze uyiphumelelisile indzaba yami. Ngikhululeni ngiye enkhosini yami.”

Genesisi 24:7

Simakadze, Nkulunkulu welizulu, lowangitsatsa endlini yababe, naseveni lakitsi lemdzabu, wakhuluma kimi waphindze wangetsembisa ngesifungo watsi: ‘Lelive ngiyawulinika titukulwane takho,’ utawutfuma ingilosi kutsi ikuhambele embili. Wena-ke, lomsa wami uyawumtsatsela intfombi kuleyo ndzawo ute nayo la.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Genesisi 5:22

Emvakwaloko Enoki wahamba anebudlelwane naNkulunkulu iminyaka lengema-300, watala emadvodzana nemadvodzakati.

Genesisi 5:24

Enoki abehamba naNkulunkulu, wase uyanyamalala ngobe Nkulunkulu abesamtsatsile.

Genesisi 6:9

Nankhu-ke umlandvo ngaNowa. Nowa abelungile amsulwa esitukulwaneni sakhe, ahamba naNkulunkulu.

1 Emakhosi 2:3

ucaphelisise konkhe lokushiwo nguSimakadze Nkulunkulu wakho: Hamba etindleleni takhe, ugcine timiso takhe, nemiyalo yakhe, nemitsetfo yakhe, netimfanelo takhe, njengobe kubhaliwe emtsetfweni waMosi, khona utawuchuma kuko konkhe lokwentako, nome ngukuphi lapho uya khona,

1 Emakhosi 3:6

Solomoni waphendvula watsi: “Wentela inceku yakho, Davide babe wami, umusa lomkhulu, ngobe yena abetsembekile kuwe futsi alungile anenhlitiyo lecotfo. Wena uchubeke nawo lomusa wakho kuye, waze wamupha nendvodzana yakhe letawuhlala esihlalweni sakhe sebukhosi lamuhla nje.

1 Emakhosi 8:23

watsi: “Awu! Simakadze, Nkulunkulu wema-Israyeli! Kute Nkulunkulu lonjengawe, ezulwini etulu, nasemhlabeni phansi, wena logcina sivumelwane sakho selutsandvo netinceku takho letichubeka njalo ngenhlitiyo yato yonkhe, endleleni yakho.

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 16:8

Emehlo ami ayawunamatsela kuSimakadze phakadze naphakadze. Yena ungasesandleni sami sangesekudla, ngiyawuhlala kuye ngitinte.

Tihlabelelo 91:11

Ngobe Nkulunkulu uyawuyala tingilosi takhe ngawe tikulondvolote ekuhambeni kwakho konkhe.

Eksodusi 23:20

“Ngitawutfumela ingilosi ihambe ngembili kwenu inilondvolote nisahamba, inifikise endzaweni lenginilungiselele yona.

Eksodusi 33:2

Ngitawutfumela ingilosi yami ihambe embikwenu ngikhiphe emaKhenani, nema-Amori, nemaHethi, nemaPheresi, nemaHivi, nemaJebhusi.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

KumaHebheru 1:14

Tiyini tona tingilosi? Tingimimoya yekusebentela Nkulunkulu, letfunyelwe kutawusita labo labayawudla lifa lensindziso.

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”

Sembulo 22:8

Ngimi, Johane, loweva waphindze wakubona konkhe loku. Ngatsi kube ngikuve ngikubone konkhe loku, ngawa phansi ngasetinyaweni talengilosi lebeyingikhombisa letintfo, ngentela kuteyikhotsama.