Genesisi 24:3 - Siswati 1996 Bible

³ Ngitekufungisa Simakadze longuNkulunkulu welizulu nemhlaba, kutsi ungacali utsatsele indvodzana yami umfati emkhatsini wemadvodzakati emaKhenani, lengihleti emkhatsini wawo.

Genesisi 24:3 Referencias Cruzadas

Genesisi 14:19

Melkhisedeki wabusisa Abrama watsi: “Abrama akabusiswe nguNkulunkulu Losetikwako Konkhe, uMdali welizulu nemhlaba.

Genesisi 14:22

Kodvwa Abrama watsi enkhosini yaseSodoma: “Ngiphakamisela sandla sami, ngifunga kuSimakadze Nkulunkulu Losetikwako Konkhe, uMdali welizulu nemhlaba,

Genesisi 21:23

Ngako ase ufunge la kimi embikwaNkulunkulu kutsi ungeke ungiyenge mine, nebantfwabami, netitukulwane tami, kepha ngekwemusa wami lengiwente kuwe, wente nakimi nakulo lelive lokhosele kulo.”

Genesisi 24:7

Simakadze, Nkulunkulu welizulu, lowangitsatsa endlini yababe, naseveni lakitsi lemdzabu, wakhuluma kimi waphindze wangetsembisa ngesifungo watsi: ‘Lelive ngiyawulinika titukulwane takho,’ utawutfuma ingilosi kutsi ikuhambele embili. Wena-ke, lomsa wami uyawumtsatsela intfombi kuleyo ndzawo ute nayo la.

Genesisi 27:46

Rebheka watsi ku-Isaka: “Ngidziniwe kuphila ngenca yalabalukatana baka-Esawu labatsatsa kumaHethi. Nangabe naJakobe angatsatsa umfati emkhatsini walamaHethi, lafanana nalawa lengihleti nawo, kungaba ncono ngimane ngife lokungenani!”

Genesisi 28:1

Isaka wabita Jakobe, wambusisa wamyala watsi: “Ungamtsatsi umfati kulamaKhenani.

Genesisi 28:8

Esawu watsi kube abone kutsi emadvodzakati emaKhenani abengamjabulisi uyise,

Genesisi 34:9

Yendziselanani natsi: nisendzisele tintfombi tenu nani nititsatsele bafati etintfombini tetfu.

Genesisi 38:2

Asekhona lapho wabonana nentfombi yemKhenani leyayibitwa ngekutsi nguShuwa, wayiteka,

Genesisi 47:31

Jakobe wase utsi: “Funga kimi kutsi uyawukwenta loko.” Wafunga kuye. Israyeli wabonga akhotsama embhedzeni wakhe.

Genesisi 50:25

Josefa wabafungisa bomnakabo, emadvodzana a-Israyeli, watsi: “Ngetsembiseni kutsi Nkulunkulu nanikhumbula atenikhipha la, niyawuhamba nawo ematsambo ami.”

Genesisi 6:2

emadvodzana aNkulunkulu atibona letintfombi kutsi tinhle; ase atikhetsela letinye emkhatsini wato atenta bafati bawo.

Genesisi 6:4

Kulawo malanga, nangasemva kwawo, kwakunetichwaga letatitalwa bantfu emhlabeni. Emadvodzana aNkulunkulu nasangene kuletintfombi tebantfu, tawatalela bantfwana. Labantfwabato bekungemachawe asendvulo labenemandla neludvumo.

2 Emakhosi 19:15

Hezekiya wase uyathandaza kuSimakadze, watsi: “Awu, Simakadze, Nkulunkulu wesive sema-Israyeli, wena lohleli emkhatsini wemakherubhi, wena wedvwa unguNkulunkulu etikwayo yonkhe imibuso yemhlaba. Wena wadala lizulu nemhlaba.

2 Tikhronike 2:12

Akabongwe Simakadze, Nkulunkulu wema-Israyeli, uMdali welizulu nemhlaba. Uphe inkhosi Davide indvodzana lehlakaniphile, legcwele emasu ekuhlakanipha nekucondza, nyalo seyitilungiselela kwakha lithempeli laSimakadze, itakhele nesigodlo sayo.

Ezra 5:11

“Bona basiphendvule batsi: ‘Tsine sitinceku taNkulunkulu welizulu nemhlaba, silakha kabusha lelithempeli lelineminyaka leminyenti lakhiwa lacedvwa yinkhosi lenkhulu yaka-Israyeli.

Nehemiya 13:25

Ngabatsetsisa kamatima, ngaze ngabacalekisa. Ngavele ngawashaya lamanye alawo madvodza, ngaze ngawabamba ngetihlutfu. Ngabafungisa ngelibito laNkulunkulu, ngatsi: “Aniyikwendzisa emadvodzakati enu emajaheni abo, futsi nani ningawatsatseli emadvodzana enu bafati etintfombini tabo, nani futsi ningabatsatsi bafati kubo.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Tihlabelelo 115:15

Shangatsi ningabusiswa nguSimakadze, yena lowenta lizulu nemhlaba.

Tihlabelelo 136:26

Bongani Nkulunkulu welizulu, ngobe umusa wakhe ume kuze kube phakadze.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Eksodusi 22:11

lowo muntfu kufanele aye embikwaSimakadze afunge kutsi lesifuyo asikebiwa nguye. Nangabe lesifuyo akasebi, lomnikati kufanele alale ngelinceba, lomlahlekelwa angakhishiswa lutfo.

Eksodusi 23:13

“Kulalele konkhe loku lengikushito kuwe. Ungawadvumisi emabito alabanye bonkulunkulu, ungawaphatsi ngisho nangemlomo wakho.”

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

Isaya 45:23

Ngitifunge mine, umlomo wami ukhulume ngabo bonkhe bucotfo livi lelingeke liphindze liguculwe, litsi: Emadvolo onkhe ayawukhotsama embikwami; tonkhe tilimi tiyawufunga ngami.

Isaya 48:1

“Lalelani lapha, ninendlu yakaJakobe, nine lenibitwa ngelibito la-Israyeli, futsi niyintalelwane yakaJuda, nine lenenta tifungo egameni laSimakadze, nikhonte Nkulunkulu wema-Israyeli, kodvwa kungabi ngeliciniso nangekulunga,

Isaya 65:16

Lowo loncenga sibusiso eveni uyawutibusisa ngaNkulunkulu lowetsembekile; lowo lowenta sifungo eveni uyawufunga ngaNkulunkulu lowetsembekile. Ngobe tinhlupheko letendlulile tiyawukhohlakala, tifihlakale emehlweni ami.”

Jeremiya 10:11

“Batjele naku: ‘Labonkulunkulu labangazange sebalibumbe lizulu nemhlaba, batawubhubha baphele emhlabeni, ngisho nangaphansi kwemazulu.’ ”

Jeremiya 12:16

Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.

Jeremiya 29:6

Tsatsani bafati nitale emadvodzana nemadvodzakati, nitsatsele emadvodzana enu bafati, nendzise nemadvodzakati enu, kuze kutsi nabo batewuba nemadvodzana nemadvodzakati. Talanani nandze nangesibalo lapho, ninganciphi.

Jeremiya 4:2

nawungafunga futsi kimi ngekweliciniso nangekulunga, utsi: ‘Ngifunga kuphila kwaSimakadze,’ tive-ke tiyawubusiswa ngaye tidvumise kuye futsi.”

Levithikusi 19:12

Ningalifungeli lite libito lami, ningalihlambalati libito laNkulunkulu wenu. NginguSimakadze.

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

Numeri 5:21

bese umphristi ufungisa lomfati ngesicalekiso atsi kuye: “Shangatsi Simakadze angenta bantfu bakini bakucalekise, baphindze bakusole. Shangatsi angashwaphanisa ematsanga akho, akhukhumukise nesisu sakho.

1 kubaseKorinthe 7:39

Ngekwemtsetfo umfati uboshelwe endvodzeni nayisaphila; kepha nangabe indvodza seyifile, sewukhululekile, angendza nome ngukubani, kuye ngekubona kwakhe, kuphela nje kutsi kube ngusentsandvweni yeNkhosi.

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

KumaHebheru 6:16

Nangabe umuntfu afunga, usebentisa libito lalomunye lomkhulu kunaye. Sifungo siyacinisa, sicedze kuphikisana kwebantfu.

Joshuwa 2:12

Manje-ke ngitsi fungani lapha kimi ngaSimakadze kutsi njengobe nami nginiphetse kahle, nani niyakungiphatsa kahle mine nemndeni wababe, ninginike luphawu lwesiciniseko,

Tikhulu 14:3

Boyise nenina bambuta batsi: “Kute yini tintfombi lapha emkhatsini wetihlobo takho nasemkhatsini wato tonkhe tive takini? Sewungadzimate uye esiveni semaFilisti lesingasoki nekusoka uyewutsatsa khona umfati?” Kodvwa Samsoni waphendvula uyise, watsi: “Ngitsatsele yena. Uyatsandzeka emehlweni ami.”

1 Samuweli 20:17

Jonathani waphindze wenta Davide kutsi asicinise kabusha sifungo sakhe sekutsi uyamtsandza, ngobe Jonathani abetsandza Davide njengobe atitsandza yena.

1 Samuweli 30:15

Davide wambuta watsi: “Ungangiyisa yini kubo labatfumbi?” Wamphendvula watsi: “Funga kimi embikwaNkulunkulu kutsi ungeke ungibulale nome unginikele kumnumzane wami, ngitawube sengiyakumikisa kubo.”