Genesisi 24:10 - Siswati 1996 Bible

¹⁰ Lenceku yatsatsa emakamela lalishumi emkhatsini wemakamela enkhosi yayo, yahamba netinhlobonhlobo tetipho letiphuma enkhosini yayo. Yesuka yaya eMesophothamiya edolobheni lakaNahori.

Genesisi 24:10 Referencias Cruzadas

Genesisi 11:26

Thera waphila iminyaka lengema-70, watala telamani bo-Abrama, naNahori, naHarani.

Genesisi 11:29

Bo-Abrama naNahori batsatsa bafati. Libito lemka-Abrama kwakunguSarayi; libito lemkaNahori kwakunguMilkha, indvodzakati yaHarani, uyise waMilkha naJiskha.

Genesisi 11:31

Thera watsatsa Abrama, indvodzana yakhe, naLoti, umtukulu wakhe umsa waHarani, namalukatana wakhe Sarayi, labengumka-Abrama, umsa wakhe, wahamba nabo esuka e-Uri yemaKhaledi, bacondze eveni laseKhenani. Batsi kube befike eHarani, bakha khona.

Genesisi 11:32

Thera wafela lapho eHarani asaneminyaka lengema-205.

Genesisi 22:20

Emvakwaloko Abrahama wabikelwa kwatsiwa: “Phela Milkha sewutalele umnakenu Nahori bantfwana:

Genesisi 24:2

Abrahama wakhuluma nenceku yakhe lenkhulu ekhaya lakhe, leyayiphetse konkhe labenako, watsi: “Beka sandla sakho ngaphansi kwelitsanga lami.

Genesisi 24:22

Yatsi kube icedze lentfombi kunatsisa emakamela, lendvodza yatsatsa indandatho yegolide leyayinesisindvo sencenye yelishekheli yayifaka ekhaleni lalentfombi; yatsatsa emajiva egolide labenesisindvo semashekheli lalishumi yawegabisa lentfombi emikhonweni,

Genesisi 24:53

Lenceku yakhipha tintfo tesiliva netegolide, netingubo, yatipha Rebheka. Yaphindze yapha umnakabo nenina tintfo letingemagugu.

Genesisi 27:43

Ngako-ke, ndvodzana yami, lalela livi lami: Baleka masinyane uye kamnaketfu Labani eHarani;

Genesisi 29:1

Jakobe wachubeka neluhambo lwakhe waya eveni lebantfu bangasemphumalanga.

Genesisi 29:2

Watsi asahamba, adzabula imimango, wakhandza sicobho semanti situngeletwe ngimihlambi lemitsatfu yetimvu ilele eceleni kwaso. Lemihlambi yayitewunatsiswa kuso leso sicobho. Kwakunelitje lelikhulu lekwakumbonywe ngalo.

1 Tikhronike 19:6

Ema-Amoni atsi kube abone kutsi asatente aba liphunga lelibi kuDavide, Hanuni nema-Amoni bakhokha isiliva leyayingemakhilogremu labengaba ti-34 000 ekucasha tincola temphi nebagibeli bato kubaseMesophothamiya, nakubaseSiriya kanye nakubaseSobha.

Imisebenti yebaPhostoli 2:9

Siphuma ePhathiya, eMediya nase-Elamu, eMesophothamiya, eJudiya naseKhaphadosiya, ePhontusi nase-Asiya,

Dutheronomi 23:4

ngobe abazange banihlangabete ngesinkhwa nangemanti eluhambeni lwenu nanisuka eGibhithe; kodvwa bacasha Bhalamu, umsa waBheyori, wasePhethori, kulaseMesophothamiya kutsi anicalekise.