Genesisi 23:9 - Siswati 1996 Bible

⁹ kutsi angitsengisele umhume wakhe waseMakhaphela, lesekugcineni kwensimi yakhe. Ngicela angitsengisele ngentsengo lefanele, utewuba wami ube yindzawo yekungcwaba.”

Genesisi 23:9 Referencias Cruzadas

Genesisi 23:10

Efroni labehleti emkhatsini wemaHethi waphendvula Abrahama eva onkhe emaHethi labengena esangweni lelidolobha,

Genesisi 23:4

“Ngisihambi nemchamuki la emkhatsini wenu. Ngicela ningitsengisele indzawo yekungcwaba, khona ngitewungcwaba lesidvumbu semkami.”

Genesisi 23:8

Watsi kubo: “Nanitsandza kutsi ngimngcwabe, esuke embikwami, ngisiteni ningicelele ku-Efroni, umsa waSowari,

Genesisi 25:10

Lensimi ngulena leyatsengwa ngu-Abrahama kumaHethi. Wangcwatjwa khona lapho-ke Abrahama, kanye nemkakhe Sara.

Genesisi 49:29

Jakobe wabe sewuyabayala utsi: “Sekusele kancane ngilandzele bokhokho. Ngicela ningingcwabe kubokhokho emhumeni losensimini ya-Efroni, umHethi.

Genesisi 50:13

Emadvodzana aJakobe ametfwala uyise ambuyisela eveni laseKhenani, amngcwaba emhumeni wensimi yaseMakhaphela, ngasemphumalanga yeMamre. Lomgedze watsengwa kanye nensimi ngu-Abrahama ku-Efroni, umHethi, kutsi ube yindzawo yekungcwaba.

1 Tikhronike 21:22

Davide watsi kuye: “Ngiphe lendzawo yakho yekubhulela kolo, kuze ngitekwakha kuyo lilati kuSimakadze, khona kutewuncamuka lesifo lesibulala sive. Ngitsengisele yona ngentsengo lephelele.”

1 Tikhronike 21:24

Kodvwa inkhosi Davide yaphendvula Arawuna, yatsi: “Cha! Ngifuna kukubhadala ngentsengo lephelele. Ngingeke ngitsatsele Simakadze kulokukwakho, futsi ngeke ngente umhlatjelo ngalengingakakukhokheli lutfo.”

KubaseRoma 12:17

Ningabuyiseli kunobe ngubani lokubi ngalokubi, kodvwa yentani lokubonakala kukuhle emehlweni abo bonkhe bantfu.

KubaseRoma 13:8

Ningakweledi muntfu nome seyini ngaphandle kwekutsi nitsandzane, ngobe lowo lotsandza makhelwane wakhe sewuwugcwalisile umtsetfo.