Genesisi 23:2 - Siswati 1996 Bible

² Sara wafela eKhiriyathi Abha, lekuyiHebroni, eveni laseKhenani. Abrahama wakhalela umkakhe, Sara.

Genesisi 23:2 Referencias Cruzadas

Genesisi 13:18

Ngako-ke, Abrama walitfutsa lithende lakhe walimisa ngasetihlahleni tema-okhi eMamre, leseHebroni; wafike lapho wakhela Simakadze lilati.

Genesisi 23:1

Sara waphila iminyaka leli-127.

Genesisi 23:19

Emvakwaloko Abrahama wangcwaba umkakhe Sara emhumeni wensimi yaseMakhaphela, ngasemphumalanga neMamre, eHebroni, eveni laseKhenani.

Genesisi 24:67

Isaka watsatsa Rebheka wamfaka ethendeni lakabo lapho kwake kwahlala unina khona, watsatsa Rebheka wamenta umkakhe, Isaka wamtsandza umkakhe. Ngako-ke Isaka wadvudvuteka emuva kwebuhlungu bekufelwa ngunina.

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 37:14

Uyise watsi: “Hamba-ke uyewuhlola kutsi bomnakenu basekahle yini, nekutsi timvu tisaphephile yini, bese uyabuya-ke utengitjela.” Wamtfuma esuka esigodzini saseHebroni.

Genesisi 50:1

Josefa watijika etikweyise, wakhala, amanga.

Genesisi 50:10

Batsi nabefika ka-Athadi ebaleni lekubhulela emabele ngesheya kwe-Jordane, bakhala kabuhlungu. Josefa wenta imisimeto yekulila emalanga lasikhombisa.

2 Samuweli 1:12

Balila bakhala kwaze kwaba nguntsambama, bazilela Sawula, nemsa wakhe Jonathani, nemabutfo aSimakadze, nesive sema-Israyeli, ngobe babebulewe ngenkemba.

2 Samuweli 1:17

Davide washo nasi sililo, alilela Sawula nemsa wakhe Jonathani,

2 Samuweli 2:11

Davide waba yinkhosi eHebroni etikwaJuda iminyaka lesikhombisa netinyanga letisitfupha.

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

2 Samuweli 5:5

EHebroni wabusa Juda iminyaka lesikhombisa netinyanga letisitfupha, kwatsi eJerusalema wabusa Israyeli naJuda iminyaka lengema-33.

1 Tikhronike 6:57

Titukulwane taka-Aroni tanikwa iHebroni, lidolobha lekukhosela, neLibna, neJathiri, ne-Eshtemoya nemadlelo awo,

2 Tikhronike 35:25

Jeremiya wacamba tingoma tesililo saJosaya, kuze kube ngulamuhla bonkhe bahlabeli besilisa nebesifazane basamkhumbula Josaya ngaletingoma tesililo sakhe. Letingoma tase tiba tingoma temihambo yema-Israyeli, tabhalwa encwadzini yetililo.

Nehemiya 11:25

Mayelana nemiti nemasimi ayo labanye bantfu bakaJuda bona babehlala eKhiriyathi Abha nasetabelweni tayo, eDiboni nasetabelweni tayo, eKhabsiyeli nasemitini yayo,

Jeremiya 22:10

Ningayikhaleli lenkhosi lefile, ningakulileli futsi nekulahlekelwa ngiyo, lokungenani, mkhaleleni kakhulu lowo lotfunjiwe, ngobe angeke aphindze abuye futsi, angeke aphindze alibone live lakhe latalelwa kulo.

Jeremiya 22:18

Ngako-ke naku lokushiwo nguSimakadze ngaJehoyakimu, umsa waJosaya, inkhosi yakaJuda, utsi: “Bangeke bamlilele, batsi: ‘Awu, mnaketfu! Awu, dzadzewetfu!’ Bangeke bamlilele, batsi: ‘Awu, nkhosi yami! Awu, buhle bakhe!’

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Numeri 20:29

Sonkhe sive saka-Israyeli satsi kube sive kutsi Aroni sewufile, samlilela emalanga langema-30.

Johane 11:31

LamaJuda abefukeme kanye naMariya amlilela, amlandzela, nakambona asukuma aphuma ngekushesha; abecabanga kutsi uyawukhala ethuneni.

Johane 11:35

Jesu wakhala tinyembeti.

Imisebenti yebaPhostoli 8:2

Lamanye emadvodza lakholwako asingcwaba sidvumbu saStefano; akhala kakhulu amlilela.

Dutheronomi 34:8

Sive saka-Israyeli salilela Mosi ematsafeni akaMowabi emalanga langema-30, kwaze kwaphela leso sikhatsi sekukhala nekulila.

Joshuwa 10:39

Badla lelidolobha, batfumba inkhosi yalo nemiti yalo, bonkhe labo bantfu babagwaza, bafa. Babulala bonkhe lababekulelo dolobha bangete bashiya lutfo. Benta eDebiri nasenkhosini yayo njengobe benta kubaseLibna nasenkhosini yayo kanye naseHebroni.

Joshuwa 15:13

Ngekulandzela umyalo waSimakadze, Joshuwa wabela Khalebi, umsa waJefune, indzawo letsite kaJuda, iKhiriyathi Abha, lekuyiHebroni. Abha bekungukhokho wa-Anaki.

Joshuwa 15:54

neHumtha, neKhiriyathi Abha, lekuyiHebroni, neSiyori, lekwaba ngemadolobha layimfica akanye nemiti yawo.

Joshuwa 20:7

Ngako base bakhetsa iKhedeshi yaseGalile eveni letintsaba kulakaNaftali, neShekhemu, eveni letintsaba kulaka-Efrayimu, neKhiriyathi Abha, lekuyiHebroni, eveni letintsaba kulakaJuda.

Joshuwa 21:11

Banikwa iKhiriyathi Abha, lekwakuyiHebroni, kanye nemadlelo labeyitungeletile, eveni letintsaba kulakaJuda; Abha bekunguyise wa-Anaki.

Tikhulu 1:10

Ahloma ayawuhlasela emaKhenani labehlala eHebroni, leyayike yabitwa ngekutsi yiKhiriyathi Abha, ehlula boSheshayi, na-Ahimani kanye naThalmayi.

1 Samuweli 20:31

Yingci indvodzana yaJese nayisaphila kulomhlaba, wena nembuso wakho ungeke ume. Sheshisa nyalo umlandze ete la, ngobe kufanele afe!”

1 Samuweli 25:1

Samuweli wafa, kwatsi sonkhe sive sema-Israyeli seta, sahlangana ndzawonye, satakumlilela. Wangcwatjwa ekhaya lakhe, eRama. Davide wase uyehla waya eHlane laseMayoni.

1 Samuweli 28:3

Ngaleso sikhatsi Samuweli abesafile. Sonkhe sive sema-Israyeli sasimlilele, sase simngcwaba edolobheni lakubo eRama. Sawula bekasaticoshe tonkhe tinyanga netangoma eveni lakhe.