Genesisi 23:16 - Siswati 1996 Bible

¹⁶ Bo-Abrahama na-Efroni bavumelana. Abrahama wase ukalela Efroni isiliva labesavele akhulume ngayo embikwemaHethi. Kwaba ngemashekheli esiliva langema-400, lekwakusilinganiso lesasisemtsetfweni webatsengisi bangaleso sikhatsi.

Genesisi 23:16 Referencias Cruzadas

Genesisi 23:15

“Nkhosi yami, asungilalele: Lesicakwana singabita lemashekheli esiliva langema-400. Pho, kuyini loko kuwe nakimi? Mngcwabe kuyo leyo ndzawo lomkakho.”

Genesisi 43:21

satsi lapho sefika saphumula khona, savula emasaka etfu sonkhe sakhandza kutsi emilonyeni yawo kunalemali besitewutsenga ngayo, iphelele. Ngako sesibuye nayo.

Genesisi 49:29

Jakobe wabe sewuyabayala utsi: “Sekusele kancane ngilandzele bokhokho. Ngicela ningingcwabe kubokhokho emhumeni losensimini ya-Efroni, umHethi.

Genesisi 50:13

Emadvodzana aJakobe ametfwala uyise ambuyisela eveni laseKhenani, amngcwaba emhumeni wensimi yaseMakhaphela, ngasemphumalanga yeMamre. Lomgedze watsengwa kanye nensimi ngu-Abrahama ku-Efroni, umHethi, kutsi ube yindzawo yekungcwaba.

2 Samuweli 14:26

Njalo nje nakahhula tinwele takhe, labevame kutihhula kanye ngemnyaka, nase timsindza, abetikala, atikhandze kutsi sisindvo sato sasiba ngetulu kwemakhilogremu lamabili ngesikali lesisemtsetfweni.

2 Samuweli 24:24

Kodvwa inkhosi, Davide, yaphendvula Arawuna, yatsi: “Cha! Ngitakukhokhela ngaloku. Ngingeke ngente umhlatjelo kuSimakadze Nkulunkulu wami, umnikelo wekushiswa lengingakawukhokheli lutfo.” Ngako Davide watsenga libala lekubhulela kolo naletinkhabi, wakukhokhela ngetinhlavu tesiliva letatingaba ngema-50.

Jobe 28:15

Kungeke kutsengwe ngisho nangalecengiwe igolide, ngisho nentsengo yako ingete yalinganiswa ngesiliva.

Eksodusi 30:13

Ngulowo nalowo muntfu lowewelela kulabo lesebabaliwe kufanele akhiphe imali lekalwe nalejutjwe ngalokusemtsetfweni, lowo mnikelo awukhiphe kimi.

Jeremiya 32:10

Lencwadzi yesivumelwane ngayisayina, ngayivala ngeluphawu, ngafakazelwa, ngase ngikala lesiliva etikalini.

Jeremiya 32:9

ngako ngayitsenga lensimi e-Anathothi kulomzala wami, Hanameli, ngase ngimkalela isiliva lengemagremu langema-200, ngamnika.

Hezekeli 45:12

Tisindvo tenu tifanele tibe kanje: emagera langema-20 alingane nelishekheli, emashekheli langema-60 alingane nemina.’ ”

Zakhariya 11:12

Ngabatjela laba labatsengiselana ngetimvu, ngatsi: “Nangabe nibona kuncono kakhulu loko, ngiholeleni; kodvwa nangabe anikuboni loko, lowo mholo wugcineni.” Ngako bangiholela tinhlavu letingema-30 tesiliva.

Matewu 7:12

“Ngako-ke konkhe lenifisa kutsi bantfu bakwente kini, kwenteni nani kubo; ngobe ngulowo umgogodla wemtsetfo newemfundziso yebaphrofethi.”

Imisebenti yebaPhostoli 7:16

Tidvumbu tabo tamikiswa eShekhemu, lapho tangcwatjwa khona edlizeni lelalitsengwe ngu-Abrahama ngemali esiveni saHamori eShekhemu.

KubaseRoma 13:8

Ningakweledi muntfu nome seyini ngaphandle kwekutsi nitsandzane, ngobe lowo lotsandza makhelwane wakhe sewuwugcwalisile umtsetfo.

KubaseFiliphi 4:8

Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.