Genesisi 22:6 - Siswati 1996 Bible

⁶ Abrahama watsatsa tinkhuni temhlatjelo wekushiswa, watetfwesa Isaka, umsa wakhe, yena waphatsa umlilo nemukhwa esandleni sakhe. Bahamba bobabili ndzawonye.

Genesisi 22:6 Referencias Cruzadas

Genesisi 22:5

Abrahama wase ukhuluma kuletisebenti takhe watsi: “Hlalani la nalembongolo, mine nalomfana sisaya lapha kuyawukhonta, sitawubuya sibuye la kini.”

2 Emakhosi 2:6

Elija wakhuluma ku-Elisha, watsi: “Ngicela usale lapha; Simakadze usangitfume eJordane.” Elisha wamphendvula, watsi: “Ngifunga ngekuphila kwaSimakadze nangekwakho, ngitsi ngingeke ngikushiye.” Ngako bahambisana bobabili.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Matewu 8:17

kuze kugcwaliseke loko lokwakhulunywa ngumphrofethi Isaya nakatsi: “Wasetfwalela butsakatsaka betfu, watisusa kitsi tifo tetfu.”

Johane 19:17

Waphuma etfwele siphambano sakhe, waze wefika endzaweni lekutsiwa yiNdzawo yeSikobho, ngesiHebheru kutsiwa yiGolkotha.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”