Genesisi 22:4 - Siswati 1996 Bible

⁴ Ngelilanga lesitsatfu Abrahama watsi uphakamisa emehlo, wayibona indzawo isesekhashane.

Genesisi 22:4 Referencias Cruzadas

Genesisi 22:3

Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

Genesisi 22:5

Abrahama wase ukhuluma kuletisebenti takhe watsi: “Hlalani la nalembongolo, mine nalomfana sisaya lapha kuyawukhonta, sitawubuya sibuye la kini.”

2 Emakhosi 20:5

“Ncandzeka uyewutjela Hezekiya, umholi wesive sami, utsi: ‘Naku lokushiwo nguSimakadze, Nkulunkulu weyihlomkhulu, Davide, utsi: Ngiwuvile umthandazo wakho, ngatibona netinyembeti takho; ngitakuphilisa. Ngelilanga lesitsatfu kusukela lamuhla utawukhuphukela ethempelini laSimakadze.

Esta 5:1

Kwatsi ngelilanga lesitsatfu lekuzila Esta wembatsa imijiva yakhe yebukhosi, wahamba waze wayawungena ngekhatsi esihoncweni sendlunkhulu. Wangena ngemphundvu lemacondzana nemnyango wendlunkhulu. Inkhosi yayingekhatsi ihleti esihlalweni sayo sebukhosi imacondzana nemnyango.

Eksodusi 15:22

Kusuka lapho eLwandle Lolubovu, Mosi wahola ema-Israyeli balibangisa ehlane laseShuri. Kwaphela emalanga lamatsatfu basehlane bangawatfoli emanti.

Eksodusi 19:11

ngemhlomunye babe sebalungele, ngobe ngalelo langa ngitakwehlela entsabeni iSinayi bonkhe bantfu babuka.

Eksodusi 19:15

Mosi wakhuluma kubantfu watsi: “Tilungiseleleni lilanga langemhlomunye, ningalali nalomsikati.”

Eksodusi 5:3

BoMosi na-Aroni bamphendvula batsi: “Nkulunkulu wemaHebheru uhlangene natsi. Sivumele kutsi sitsatse luhambo lwemalanga lamatsatfu, siye ehlane, siyewunikela ngemhlatjelo kuSimakadze longuNkulunkulu wetfu; ngobe nasingakwenti loko, utasishaya ngesifo lesingelapheki nome asibulale ngemphi.”

Hoseya 6:2

Emvakwemalanga lamabili utasiphilisa, ngelilanga lesitsatfu utasivusa, khona sitewuphila ebukhoneni bakhe.

Levithikusi 7:17

Nangabe lenyama yemhlatjelo seyize yalala kabili, kufanele ishiswe yonkhe ngemlilo.

Numeri 10:33

Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.

Numeri 19:12

Uyawutigeza yena ngemanti ngelilanga lesitsatfu nangelesikhombisa, bese-ke uba ngulohlantekile. Kodvwa nakangatigezi yena ngelilanga lesitsatfu nangelesikhombisa, angeke ahlanteke.

Numeri 19:19

Lona lohlantekile kufanele afafate lowo longcolile ngelilanga lesitsatfu nangelesikhombisa; ngaleli lesikhombisa uyawube asamhlambulula. Lona lotewuhlanjululwa kufanele ageze timphahla takhe tekwembatsa kanye nemtimba wakhe ngemanti, uyawuba ngulohlambulukile ngabona lobo busuku.

Numeri 31:19

“Nonkhe nine lenibulele umuntfu nome lenitsintse sidvumbu nifanele nihlale ngephandle kwenkambu, kuze kuphele emalanga lasikhombisa. Ngelilanga lesitsatfu nelesikhombisa kufanele nitihlambulule kanye nalabo lenibatfumbile.

Matewu 17:23

batayibulala, kodvwa ngelilanga lesitsatfu iyawuvuswa ekufeni.” Badzabuka kakhulu.

Lukha 13:32

Jesu wabaphendvula watsi: “Hambani nitjele leyo mphungutja nitsi: ‘Ngikhipha emadimoni ngiphilise lamuhla nakusasa, lomsebenti wami ngiyawucedzela ngemhlomunye.’

1 kubaseKorinthe 15:4

nekutsi wembelwa, wabuye wavuswa kulabafile ngelilanga lesitsatfu, njengaloku yayivele ishito imiBhalo,

Joshuwa 1:11

“Hambani nidzabule ekhatsi nalenkambu, nimemetele esiveni sonkhe, nitsi: ‘Tilungiseleleni kudla kwenu. Emvakwemalanga lamatsatfu kusukela lamuhla nitakwewelela ngesheya kweJordane ningene eveni, live Simakadze Nkulunkulu wenu lanipha lona kutsi libe lenu.’ ”

1 Samuweli 26:13

Davide wewelela ngesheya, wema khashane etikweligcuma; bekulibanga lelikhulu emkhatsini wabo.