Genesisi 22:3 - Siswati 1996 Bible

³ Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

Genesisi 22:3 Referencias Cruzadas

Genesisi 17:23

Ngalo lelo langa Abrahama watsatsa Ishmayeli, indvodzana yakhe, nabo bonkhe lababetalelwe kakhe, nabo bonkhe lababetsengwe ngemali yakhe; bonkhe labadvuna lababekakhe wabasoka, njengobe Nkulunkulu abemtjelile.

Genesisi 21:14

Ngakusasa ekuseni Abrahama wavuka kuseluvivi, watsatsa sinkhwa nesigubhu semanti wakwetjatsisa Hagari, wamnika nemntfwana wabahambisa. Wahamba-ke Hagari azulazula ehlane laseBherisheba.

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

Genesisi 22:2

Nkulunkulu watsi: “Tsatsa Isaka, indvodzana yakho, leyodvwana naloyitsandzako, uye eveni laseMoriya, wente umhlatjelo ngayo entsabeni lengitakulayela yona.”

Genesisi 22:4

Ngelilanga lesitsatfu Abrahama watsi uphakamisa emehlo, wayibona indzawo isesekhashane.

Tihlabelelo 119:60

Angicitsi sikhatsi, ngivele ngiphutfume, ngigcine imiyalo yakho.

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Lukha 14:26

“Lota kimi angeke abe ngumfundzi wami ngaphandle kwekutsi adzele uyise nenina, umfati wakhe nebantfwabakhe, bomnakabo nabodzadzewabo, yebo, kanye nemphilo yakhe lucobo lwayo.

KubaseGalathiya 1:16

kungembulela iNdvodzana yakhe kutsi ngiyishumayele kubetive, angibutanga muntfu.

KumaHebheru 11:8

Ngekukholwa Abrahama walalela, nakabitwa nguNkulunkulu kutsi aye endzaweni labetawunikwa yona ibe lifa lakhe; waphuma, wahamba, angati lapho aya khona.

Joshuwa 3:1

Ngakusasa ekuseni Joshuwa nesive sonkhe sema-Israyeli bavuka kuseluvivi, besuka eShithimu bacondza eJordane, lapho bafike bakamba khona bangakeweleli ngesheya.

Joshuwa 8:10

Ekuseni ngakusasa Joshuwa wabutsa emabutfo, wase uhlela baholi besive kanye nesive sema-Israyeli, bawahola bacondza nawo e-Ayi.