Genesisi 22:1 - Siswati 1996 Bible

¹ Emvakwaloko Nkulunkulu wavivinya Abrahama, watsi kuye: “Abrahama! Ye, Abrahama!” Waphendvula watsi: “Ngilapha, Nkhosi!”

Genesisi 22:1 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Genesisi 21:11

Loku kwamkhatsata kakhulu Abrahama, ngobe bekuphatselene nalendvodzana yakhe.

Genesisi 22:11

Kepha ingilosi yaSimakadze yambita isezulwini yatsi: “Abrahama! Ye, Abrahama!” Wasabela watsi: “Ngilapha.”

Genesisi 22:7

Isaka watsi kuyise Abrahama: “Babe!” Wasabela watsi: “Ngilapha, ndvodzana yami.” Isaka wabuta watsi: “Ngiyatibona tinkhuni nemlilo, kepha liphi lizinyane lemvu yemhlatjelo?”

Genesisi 37:13

Israyeli wakhuluma kuJosefa, watsi: “Angitsi bomnakenu belusele eShekhemu? Kota-ke ngitekutfuma kubo.” Waphendvula watsi: “Kulungile, babe.”

Genesisi 46:2

Nkulunkulu wakhuluma ku-Israyeli embonweni ebusuku, watsi: “Jakobe! Ye Jakobe!” Waphendvula watsi: “Ngilapha!”

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

2 Tikhronike 32:31

Kodvwa kwatsi nakufika emancusa aseBhabhulona atfunywe ngumbusi wakhona kutsi atewubuta ngalesimanga sesibonakaliso lesasehlele eveni lakhe, Nkulunkulu wamshiya yedvwa entela kumvivinya, kuze akwati konkhe lokwakusenhlitiyweni yaHezekiya.

Tihlabelelo 11:5

Simakadze uyamvivinya lolungile, kodvwa uyamtondza lomubi nalotsandza budlova.

Eksodusi 16:4

Simakadze wakhuluma kuMosi, watsi: “Lalela la! Ngitanehlisela imvula yesinkhwa lesivela ezulwini. Onkhe emalanga ekuseni bantfu kufanele baphume bayewutibutsela kudla lokwanele lilanga lonkhe. Ngalendlela-ke ngitawube ngiyabavivinya kutsi batawuyilandzela yini imiyalo yami nome cha.

Eksodusi 3:4

Simakadze watsi kube abone kutsi Mosi uyaphambukela kutewubona, wamemeta watsi: “Mosi! Ye Mosi!” Mosi wasabela watsi: “Ngilapha!”

Taga 17:3

Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Isaya 6:8

Ngase ngiva livi laSimakadze litsi: “Ngitawutfuma bani? Ngubani lotasiyela?” Ngase ngitsi: “Nangu mine, tfuma mine!”

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.

Dutheronomi 13:3

ningacali niwalalele emavi alowo mphrofethi nome lowo mphuphi wemaphupho. Simakadze Nkulunkulu wenu uyanivivinya kutsi atfole kahle kutsi niyamtsandza yini Simakadze Nkulunkulu wenu ngayo yonkhe inhlitiyo yenu nangawo wonkhe umphefumulo wenu.

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

KumaHebheru 11:17

Ngekukholwa Abrahama, nakavivinywa, wanikela nga-Isaka kutsi abe ngumhlatjelo. Nome Abrahama abesatemukele leto tetsembiso, kodvwa abetimisele kunikela ngayo yona leyo ndvodzana yakhe yekuphela.

YaJakobe 2:21

Khokho wetfu Abrahama ngesikhatsi anikela nga-Isaka, umsa wakhe, elatini, akazange yini emukelwe nguNkulunkulu ngekutsi ulungile ngemisebenti?

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

Tikhulu 2:22

Sengiyawusebentisa tona nangivivinya sive sema-Israyeli, kuze ngibone kahle kutsi siyakuyigcina yini indlela yaSimakadze, sihambe ngayo, njengobe kwakwenta bokhokho baso.”

1 Samuweli 3:4

Simakadze wabita Samuweli. Wasabela watsi: “Ngilapha.”