Genesisi 21:8 - Siswati 1996 Bible

⁸ Umntfwana wakhula, kwatsi mhlazana alunyulwa Abrahama wenta lelikhulu lidzili.

Genesisi 21:8 Referencias Cruzadas

Genesisi 19:3

Kepha Loti watincenga kakhulu letingilosi, tadzimate taphambuka taya tangenisa endlini kakhe. Watentela lidzili, watibhakela sinkhwa lesite imbiliso, tadla.

Genesisi 21:7

Wachubeka watsi: “Ngubani nje labengahle asho ku-Abrahama kutsi Sara uyawuse amunyise bantfwana? Noko sengimtalele indvodzana ebudzaleni bakhe.”

Genesisi 21:9

Ngalelinye lilanga Sara wabona indvodzana yaHagari, umGibhithe, labeyitalele Abrahama, yeyisa Isaka, indvodzana yakhe.

Genesisi 26:30

Isaka wase ubentela lidzili; badla banatsa.

Genesisi 29:22

Ngako-ke, Labani wamema bonkhe bantfu bakuleyo ndzawo, wenta lidzili.

Genesisi 40:20

Emvakwemalanga lamatsatfu, Faro wagubha lusuku lwakhe lwekutalwa. Wenta lidzili, wentela tonkhe tisebenti takhe. Umphatsi wetitja kanye nempheki lomkhulu wetinkhwa wabakhipha ejele; babasemkhatsini wetisebenti nabo.

2 Samuweli 3:20

Ngesikhatsi Abneri, labehamba nalamadvodza langema-20, efika kuDavide eHebroni, Davide wamlungiselela lidzili yena kanye nalamadvodza labehamba nawo.

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

Esta 1:3

Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Tihlabelelo 131:2

Umphefumulo wami wenelisekile kuwe; njengemntfwana lolunyulwe kunina, unjalo umphefumulo wami kimi.

Hoseya 1:8

Watsi kube alumule Lo Ruhama, Gomeri watala lenye indvodzana.

Tikhulu 14:10

Uyise wehla wayawubona lentfombi ekhaya kubo. Samsoni wenta lidzili lapho, njengobe kwakulisiko kutsi umkhwenyane ente lidzili.

Tikhulu 14:12

Samsoni watsi kuwo: “Ase nginiphice. Nanitawucombelela kahle angakapheli emalanga lasikhombisa alelidzili, ngitaninika tembatfo telineni letingema-30 netimphahla tekwembatsa letingema-30.

1 Samuweli 1:22

Hana wangete wenyuka. Wakhuluma endvodzeni yakhe, watsi: “Utawutsi lomntfwana angalunyulwa, bese ngiyamtsatsa ngiyakumnikela kuSimakadze, bese uvele uyasala, uhlala khona lapho.”

1 Samuweli 1:24

Watsi kube amlumule, Hana wamtsatsa lomfana asemncane, wahamba naye, watsatsa nenkunzi leyayineminyaka lemitsatfu budzala, nemphuphu leyayingemakhilogremu labengaba lishumi, nesikhumbasikhwana lesasigcwele liwayini, waya endlini yaSimakadze eShilo.

1 Samuweli 25:36

Watsi Abigayili nakaya kuNabali, wamkhandza asendlini ente lidzili lelifana nelenkhosi. Abetsakasile, adzakwe angumhlaba. Ngako kute lamtjela kona, kwaze kwaba ngusekuseni ngakusasa.