Genesisi 21:33 - Siswati 1996 Bible

³³ Abrahama wahlanyela sihlahla selitamariske eBherisheba. Wadvumisa Simakadze, Nkulunkulu waphakadze.

Genesisi 21:33 Referencias Cruzadas

Genesisi 12:8

Wesuka waya etintsabeni tangasemphumalanga neBetheli, wafike wemisa lithende lakhe khona; iBetheli beyingasenshonalanga, i-Ayi beyingasemphumalanga. Nakhona lapho wafike wakhela Simakadze lilati; wakhuleka kuSimakadze.

Genesisi 21:32

Batsi kube basente lesivumelwane eBherisheba, bo-Abimeleki nendvuna yakhe, Phikoli, besuka kuleyo ndzawo babuyela eveni lemaFilisti.

Genesisi 26:23

Isaka wesuka lapho, waya eBherisheba.

Genesisi 26:25

Ngako Isaka wakha lilati lapho, wakhuleka kuSimakadze, wemisa lithende lakhe khona lapho. Tisebenti ta-Isaka tase timba sicobho khona lapho.

Genesisi 26:33

Lesicobho wasetsa watsi yiSheba; ngako-ke libito lalelo dolobha sekwaba yiBherisheba kuze kube ngulamuhla.

Genesisi 4:26

NaSethi watala indvodzana layetsa libito watsi ngu-Enoshi; ngaleso sikhatsi bantfu bacala kukhuleka kuSimakadze.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Tihlabelelo 93:2

Sihlalo sakho sebukhosi seloku sema sicinile kwasemandvulweni, wena wawuvele ukhona kwasemaphakadzeni.

Eksodusi 15:18

Simakadze uyawubusa phakadze naphakadze.”

Isaya 40:28

Awati yini? Awukeva yini? Simakadze unguNkulunkulu waphakadze, uMdali wemikhawulo yemhlaba. Angeke adzinwe, futsi ngeke akhatsale, nekucondza kwakhe kute longakuphenyisisa.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Jeremiya 10:10

Kodvwa Simakadze nguyena Nkulunkulu sibili, unguNkulunkulu lophilako, iNkhosi yaphakadze. Nakatfukutsele yena, kutfutfumela umhlaba, tive atikhoni kumelana nelulaka lwakhe.

Amose 8:14

Labo labafunga ngetithico taseSamariya nome batsi: ‘Ngekuphila kwankulunkulu wakho, Dani,’ nome: ‘Ngekuphila kwankulunkulu wakho, Bherisheba,’ bayakuwa phansi, bangaphindzi bavuke.”

Habakhuki 1:12

Awu, Simakadze, awusiye yini wena wasendvulo? Nkulunkulu wami, wena Longcwele wami, singeke sife. Awu, Simakadze, ubeke bona baseBhabhulona kutsi behlisele kitsi sijeziso. Awu, dvwala letfu, umise bona kutsi batewusishaya.

KubaseRoma 1:20

Kusukela ekudalweni kwemhlaba nemkhatsi emandla akhe laphakadze nebuNkulunkulu bakhe bebufihlekile emehlweni ebantfu; noko bebukhona etingcondvweni kutsi bubonakale etintfweni latentile. Ngako-ke bate taba;

KubaseRoma 16:26

kodvwa nyalo seyembuliwe. Leyo mfihlakalo yabhalwa baphrofethi, yamenyetelwa kuto tonkhe tive ngekwemiyalo yaNkulunkulu waphakadze, kuze bonkhe batewukholwa balalele yena.

Dutheronomi 16:21

“Aniyikumisa ngisho nayinye insika ya-Ashera welugodvo eceleni kwelilati lenilakhele Simakadze Nkulunkulu wenu,

Dutheronomi 32:40

Ngiphakamisela sandla sami ezulwini, ngimemetele ngitsi: ‘Njengobe ngiphila kuze kube phakadze,

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

1 kuThimothi 1:17

Kuyo iNkhosi yetikhatsi, lengabhubhi, nalengabonwa ngemehlo enyama, nalekungiyo yodvwa lenguNkulunkulu, akube ludvumo nebukhosi phakadze naphakadze. Amen.

KumaHebheru 13:8

Jesu Khristu akagucuki; nguye itolo, nalamuhla, naphakadze.

Tikhulu 3:7

Ema-Israyeli enta lokubi embikwaSimakadze; akhohlwa Simakadze Nkulunkulu wawo, akhonta boBhali nabo-Ashera.