Genesisi 21:17 - Siswati 1996 Bible

¹⁷ Nkulunkulu wakuva kukhala kwalomfana; ingilosi yaNkulunkulu yakhuluma isezulwini, yatsi kuHagari: “Hagari, uhlushwa yini? Ungesabi, ngobe Nkulunkulu sewulivile livi lalomfana lapho akhona.

Genesisi 21:17 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Genesisi 16:11

Ingilosi yachubeka yatsi kuye: “Ase ubuke nje, sewukhulelwe, utawutala indvodzana uyetse libito utsi ngu-Ishmayeli, ngobe Simakadze ukuvile kuhlupheka kwakho.

Genesisi 16:7

Ingilosi yaSimakadze yakhandza Hagari ngasesicojeni semanti, ehlane, endleleni leya eShuri,

Genesisi 16:8

yatsi: “Hagari, sisebenti saSarayi, uphumaphi? Uyaphi?” Waphendvula watsi: “Ngibalekela Sarayi, umphatsi wami.”

Genesisi 16:9

Ingilosi yaSimakadze yatsi kuye: “Ncandzeka, buyela kuSarayi, umphatsi wakho, ufike utitfobe ngaphansi kwakhe.”

Genesisi 22:11

Kepha ingilosi yaSimakadze yambita isezulwini yatsi: “Abrahama! Ye, Abrahama!” Wasabela watsi: “Ngilapha.”

Genesisi 24:7

Simakadze, Nkulunkulu welizulu, lowangitsatsa endlini yababe, naseveni lakitsi lemdzabu, wakhuluma kimi waphindze wangetsembisa ngesifungo watsi: ‘Lelive ngiyawulinika titukulwane takho,’ utawutfuma ingilosi kutsi ikuhambele embili. Wena-ke, lomsa wami uyawumtsatsela intfombi kuleyo ndzawo ute nayo la.

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

2 Emakhosi 13:23

Kodvwa Simakadze waba nemusa nabo, waba nesihawu, wabanakekela ngenca yesivumelwane sakhe na-Abrahama, na-Isaka, naJakobe. Kuze kube ngulamuhla akakavumi kubabhubhisa abacoshe ebukhoneni bakhe.

2 Emakhosi 13:4

Jehoyahazi wase ufuna lusito lwaSimakadze, Simakadze wamuva, ngobe wabona kutsi inkhosi yemaSiriya ibacindzetele kangakanani baka-Israyeli.

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 6:8

Khweshani kimi, nonkhe nine benti balokubi, ngobe Simakadze sewukuvile kukhala kwami.

Tihlabelelo 65:2

Wena uva imithandazo uyiphendvule; bonkhe bantfu bafanele kuta kuwe

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Eksodusi 22:23

Nanibahlupha, bese bakhala kimi, mine ngiyawukuva kukhala kwabo;

Eksodusi 22:27

ngobe nguko kodvwa latembesa ngako. Angabuye alale ngani nje ngaphandle kwayo? Nakakhala kimi acela lusito, mine ngiyakuva, ngobe nginguNkulunkulu lonesihawu.

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Eksodusi 3:7

Simakadze wakhuluma watsi: “Sengikubone ngempela kuhlushwa kwebantfu bami labaseGibhithe. Sengikuvile nekukhala kwabo ngekucindzetelwa nguletindvuna tabo temisebenti. Ngiyakwati kuhlupheka kwabo.

Isaya 22:1

Leli livi lesembulo lelimacondzana neSigodzi Sembono lelitsi: Kwentiwa yini kutsi bonkhe bantfu bakho bakhwele baye etulu etingcongwaneni tetindlu?

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Matewu 15:32

Jesu wabita bafundzi bakhe watsi: “Ngiyabadzabukela labantfu, ngobe sengemalanga lamatsatfu banatsi lapha, bangenalutfo labangahle baludle. Angitsandzi kubahambisa balambile, funa bacaleke endleleni.”

Makho 5:36

Kodvwa Jesu, angakunaki loku letatikusho, watsi kuJayiro: “Ungesabi, kholwa kuphela.”

Dutheronomi 26:7

Sakhala kuSimakadze, Nkulunkulu wabobabemkhulu, Simakadze wakuva kukhala kwetfu, wakubona kuhlupheka kwetfu, nekushikashikeka kwetfu, kanye nekucindzetelwa kwetfu.

Tikhulu 18:23

Njengobe bebahambe babamemeta laba bakaDani bagucuka bakhuluma kuMikha, batsi: “Kwenteke njani? Ubabutseleni labantfu kutsi nitesihlasela?”

1 Samuweli 11:5

Ngaleso sikhatsi Sawula abebuya emasimini, achuba tinkhabi takhe, wabuta watsi: “Kwente njani esiveni? Sive sikhalelani?” Base bamlandzisa ngako konkhe lokwakushiwo ngemadvodza aseJabeshi.