Genesisi 21:16 - Siswati 1996 Bible

¹⁶ Wase uhamba libanga lemjikijelo, wayawuhlala khona acabanga atsi: “Ngingeke ngikumele kubuka umntfwanami afa.” Asahleti phansi afulatsele lomfana, tehla tinyembeti, wakhala kabuhlungu.

Genesisi 21:16 Referencias Cruzadas

Genesisi 21:15

Atsi kube aphele lamanti esigujini, wabeka umntfwana ngaphansi kwalesinye sihlahla.

Genesisi 27:38

Esawu watsi kuyise: “Babe, sekukuphela kwato letibusiso bewunato yini, awunaso yini lesinye sibusiso? Babe, nami ngibusise!” Esawu wadzatimula wakhala.

Genesisi 29:11

Jakobe wanga Rakheli, wakhala ngenca yenjabulo.

Genesisi 44:34

Ngingancandzeka kanjani ngiye kubabe, nangabe ngingeti naye lomfana? Ngingeke ngikumele kubona buhlungu lobungaka behlela babe ngibukile.”

1 Emakhosi 17:12

Lomfelokati waphendvula watsi: “Ngifunga kuphila kwaSimakadze Nkulunkulu wakho, ngitsi: Ngite nasinye sinkhwa. Nginengcosana nje yafulaha esitjeni, nenseketse yemafutsa eludziweni. Bengisasabutela tinkhunyana nje lapha, kutsi ngiye ekhaya ngitiphekele mine kanye nendvodzana yami, kuze sidle, emvakwaloko bese siyafa.”

1 Emakhosi 3:26

Lomfati longumnikati walomntfwana wafikelwa ngimihelo ngenca yalomntfwanakhe, wakhuluma enkhosini watsi: “Ngiyacela, nkhosi yami, mane sale umnika yena lomntfwana lophilako! Ungambulali!” Kodvwa lona lomunye watsi: “Akubete lomtsatsako kitsi sobabili. Mhlahleleni ekhatsi!”

Esta 8:6

Empeleni mine ngingakumela ngikutibe njani, nangabe sive netihlobo tami tibhujiswa tibulawa?”

Isaya 49:15

“Umfati angalukhohlwa yini luswane lolusesebeleni lakhe nekutsi abete sihawu kumntfwana lamtalako? Nome angakhohlwa, kodvwa mine ngingeke ngikukhohlwe wena.

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

Tikhulu 2:4

Kwatsi kube ingilosi yaSimakadze ikhulume konkhe loku esiveni sema-Israyeli, sive sonkhe sakhala kakhulu,

Ruthe 1:9

Shangatsi Simakadze anganibusisa aniphe emadvodza, nakhe imiti!” Ngako Nawomi wabavalelisa ngekubanga, bakhala.

1 Samuweli 24:16

Kwatsi kube Davide acedze kusho lamavi, Sawula wabuta watsi: “Livi lakho yini lelo, Davide, ndvodzana yami?” Wakhala kakhulu, amemeta.

1 Samuweli 30:4

Ngako Davide nelibutfo lakakhe bakhala, baze baphelelwa ngemandla ekukhala.