Genesisi 20:3 - Siswati 1996 Bible

³ Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 20:3 Referencias Cruzadas

Genesisi 12:17

Kepha Simakadze washaya Faro nemndeni wakhe ngetinhlupho letinkhulu ngenca yaSarayi, umka-Abrama.

Genesisi 12:18

Ngako-ke Faro wabita Abrama, watsi kuye: “Yini lena loyente kimi? Awukangitjeli ngani kutsi lona ngumkakho?

Genesisi 20:7

Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.”

Genesisi 28:12

Wabhudza abona liladi limiswe emhlabatsini, laze lefika ezulwini, wabona tingilosi taNkulunkulu tehla tenyuka ngalo.

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 37:5

Ngalelinye lilanga Josefa wabhudza; watsi nakabatjela labomnakabo, bamtondza kakhulu futsi.

Genesisi 37:9

Josefa waphindze wabhudza, wabatjela watsi: “Ase nginitjele nali lelinye liphupho. Ngibhudze lilanga, nenyana, netinkhanyeti leti-11 tingikhotsamela.”

Genesisi 40:5

Ngalobunye busuku bobabili basejele babhudza, umphatsi wetitja lomkhulu wabhudza lakakhe liphupho, nembhaki lomkhulu wabhudza lakakhe; tinchazelo tawo tatehlukene.

Genesisi 40:8

Bamphendvula batsi: “Sobabili sibhudzile, futsi kute nalongachaza kutsi asho kutsini lamaphupho etfu.” Josefa wabaphendvula watsi: “Kantsi tinchazelo temaphupho atiphumi kuNkulunkulu yini? Ase ningitjele kutsi nibhudzeni.”

Genesisi 46:2

Nkulunkulu wakhuluma ku-Israyeli embonweni ebusuku, watsi: “Jakobe! Ye Jakobe!” Waphendvula watsi: “Ngilapha!”

1 Tikhronike 16:21

Kodvwa akavumelanga muntfu kutsi abacindzetele, ngenca yabo wajezisa ngisho emakhosi.

Jobe 33:15

Ukhuluma ngemaphupho nangemibono yasebusuku, bantfu nabalele emacansini abo, badvodla butfongo etingutjeni tabo.

Jobe 33:17

Loko ukwentela kutsi ancandze umuntfu ekwenteni tono nasekutishayeni sifuba,

Tihlabelelo 105:14

kodvwa akavumelanga muntfu kutsi abahluphe, ngenca yabo wajezisa ngisho emakhosi.

Jona 3:4

Jona walingenela lelidolobha, wahamba lilanga lonkhe. Wase uyacala uyamemetela utsi: “Sekusele emalanga langemashumi lamane kutsi iNineve ibhujiswe!”

Numeri 22:9

Nkulunkulu wefika wabuta Bhalamu, watsi: “Ngakabani lamadvodza lalele lapha kakho?”

Matewu 1:20

Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”