Genesisi 20:12 - Siswati 1996 Bible

¹² Ngaphandle kwaloko nje, vele ungudzadzewetfu, ngobe uyindvodzakati yababe, kodvwa hhayi yamake; kodvwa noko ungumkami.

Genesisi 20:12 Referencias Cruzadas

Genesisi 11:29

Bo-Abrama naNahori batsatsa bafati. Libito lemka-Abrama kwakunguSarayi; libito lemkaNahori kwakunguMilkha, indvodzakati yaHarani, uyise waMilkha naJiskha.

Genesisi 12:13

Ngako-ke ubotsi ungudzadzewetfu, khona kutangihambela kahle ngisindze ngenca yakho.”

Genesisi 20:11

Abrahama wamphendvula watsi: “Ngikwente ngobe ngicabange ngatsi: ‘Akukho kwesaba Nkulunkulu kulendzawo, ngako batangibulala ngenca yalomfati wami.’

Genesisi 20:13

Nkulunkulu nangikhipha endlini yababe kutsi ngizulazule, ngatsi kuSara: ‘Naku-ke lengicela ungentele kona: Yonkhe indzawo lapho sifika khona, ubobatjela ngami utsi: “Ungumnaketfu.” ’ ”

Genesisi 20:2

Wafike lapho watsi: “Sara ngudzadzewetfu.” Ngako-ke Abimeleki, inkhosi yaseGerari, yatfumela kutsi kulandvwe Sara.

Genesisi 26:7

Kwatsi nakabutwa ngemadvodza aleyo ndzawo ngemfati wakhe, yena watsi ngudzadzewabo. Abengeke avume kutsi ngumkakhe, ngobe abesaba emadvodza aleyo ndzawo kutsi angahle ambulale ngenca yaRebheka. Phela Rebheka abemuhle, abukeka.

2 Samuweli 13:13

Mine lelihlazo lelingaka ngiyakulisusa kanjani? Wena-ke utakwente njani? Utawufanana nalesinye setihlangananhloko lapha ka-Israyeli. Ngicela ukhulume enkhosini, ingeke yale kutsi ungishade ngibe ngumkakho.”

1 kubaseThesalonika 5:22

nikugege konkhe lokubonakala kukubi.