Genesisi 2:7 - Siswati 1996 Bible

⁷ Nkulunkulu Simakadze wase ubumba umuntfu ngelutfuli lwemhlabatsi, waphefumulela umoya wekuphila emakhaleni akhe; umuntfu wase uba ngumuntfu lophilako.

Genesisi 2:7 Referencias Cruzadas

Genesisi 1:27

Ngako Nkulunkulu wadala umuntfu waba ngumfanekiso wakhe; wamdala waba ngumfanekiso waNkulunkulu: wabadala, lomdvuna nalomsikati.

Genesisi 2:6

Noko kwenyuka inkhungu, iphuma emhlabatsini, yanisela wonkhe umhlaba.

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Genesisi 3:23

Ngako-ke Nkulunkulu Simakadze wamcosha ensimini yase-Edeni, kutsi alime umhlabatsi labetsatfwe kuwo.

Genesisi 7:22

Konkhe lokwakusemhlabeni lokwakuphefumula umoya wekuphila emakhaleni, kwafa.

Jobe 27:3

yingci kuphila nakusekhona kimi, nemoya waNkulunkulu usesemakhaleni ami,

Jobe 33:4

Moya waNkulunkulu ungentile. Umphefumulo waSomandla unginika kuphila.

Jobe 33:6

Mine ngifanana nawe embikwaNkulunkulu, nami ngatatjwa ebumbeni.

Jobe 4:19

kakhulu kangakanani-ke labo labahlala etindlini letakhiwe ngeludzaka, letitisekelo tato tiselutfulini, labo labapitjiteka kalula njengemiyiyane.

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 103:14

Ngobe uyakwati kubunjwa kwetfu, uyakhumbula kutsi silutfuli nje.

Taga 20:27

Umoya wemuntfu usibane saSimakadze, uphenyisisa konkhe ngisho nalokujulile kumuntfu.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Umshumayeli 3:7

sikhatsi sekudzabula nesikhatsi sekuchibela, sikhatsi sekubindza nesikhatsi sekukhuluma,

Isaya 2:22

Yekelani kwetsembela kubantfu, emakhaleni abo kunekuphefumula nje. Empeleni bayini nje?

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 37:5

Naku lokushiwo yiNkhosi Simakadze kulamatsambo, itsi: Ngitakwenta umphefumulo ungene kini, nitabe seniyaphila.

Hezekeli 37:6

Ngitawuhlumisa imisipha kini, ngente inyama imile kini, nginembese ngesikhumba, ngitawufaka umphefumulo kini, nitawube seniyaphila. Ngulapho-ke niyawukwati khona kutsi mine nginguSimakadze.’ ”

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Numeri 16:22

Kodvwa boMosi na-Aroni bawa phansi ngebuso bakhotsama, batsi: “Awu Nkulunkulu! Nkulunkulu wemimoya yebantfu bonkhe, kungatsi ngekona kwemuntfu munye bese utfukutselela sonkhe sive?”

Numeri 27:16

“Shangatsi Simakadze, Nkulunkulu wemimoya yebantfu bonkhe, angabeka lenye indvodza ibe ngumholi emkhatsini walesive,

Johane 20:22

Watsi kube asho njalo, wabaphefumulela watsi: “Yemukelani Moya Longcwele.

Imisebenti yebaPhostoli 17:25

Futsi akadzingi nalutfo lolungumsebenti webantfu labangamnika lona, ngobe yena nguye loniketa imphilo nekuphefumula nako konkhe kubantfu bonkhe.

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

1 kubaseKorinthe 15:45

Kanjalo futsi kubhaliwe kutsi: “Umuntfu wekucala Adamu waba ngumuntfu lophilako;” Adamu wekugcina waba nguMoya lonika kuphila.

1 kubaseKorinthe 15:47

Umuntfu wekucala wavela emhlabeni alutfuli; umuntfu wesibili wavela ezulwini.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

1 kuThimothi 2:13

Ngobe phela Adamu wentiwa kucala, kwase kulandzela Eva;

KumaHebheru 12:9

Tsine sinabobabe betfu bengati labasiyalako sibahloniphe; pho, Babe wetfu ngekwaMoya akukafaneli yini simhloniphe ngentfobeko lenkhulu, kuze sitewutfola kuphila?