Genesisi 19:24 - Siswati 1996 Bible

²⁴ Simakadze wanisa imvula yesibabule nemlilo, iphuma ezulwini, kwana etikweSodoma neGomora.

Genesisi 19:24 Referencias Cruzadas

Genesisi 13:10

Loti watsi naphakamisa emehlo akhe, wabona litsafa lelinesihlambo semfula iJordane, linemanti lenele yonkhe indzawo, kuze kuyewufika eSowari; lalinjengensimi yaSimakadze nanjengelive laseGibhithe. Ngalesikhatsi Simakadze abesengakayibhubhisi iSodoma neGomora.

Genesisi 13:12

Abrama wahlala eveni laseKhenani, Loti yena wayawuhlala emkhatsini wemiti lesetsafeni lemfula, wemisa lithende lakhe edvute neSodoma.

Genesisi 18:17

Simakadze wase utsi: “Kodvwa ngingamfihlela yini Abrahama loku lengitakwenta?

Genesisi 19:23

Watsi Loti nakefika eSowari, lilanga lase liphuma.

Jobe 1:16

Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Jobe 18:15

Ekhaya lakhe sekubusela umlilo, sibabule lesivutsako sisakatwe lapho ahlala khona.

Tihlabelelo 11:6

Lababi uyawubehlisela imvula yemalahle lavutsako nesibabule, abajezise ngemoya lohhusha kabuhlungu.

Eksodusi 9:23

Mosi waphakamisela indvuku yakhe etulu. Simakadze watfumela kudvuma, nesangcotfo, nembane kwehlela emhlabeni, Simakadze wehlisela sangcotfo eveni laseGibhithe;

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 13:19

IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Jeremiya 20:16

Lowo muntfu akafanane nemadolobha labhidlitwa nguSimakadze angasenasihawu nawo. Akeve sililo ekuseni, nenhlabamkhosi emini.

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 49:18

Njengobe neSodoma neGomora yagumbucelwa kanye nemadolobha labeyitungeletile, kanjalo nakuyo i-Edomu kuyawubate lohlala kuyo, kute muntfu loyakwakha kuyo,” kusho Simakadze.

Jeremiya 50:40

Njengobe Simakadze agumbucela iSodoma neGomora kanye nemadolobha labomakhelwane bayo, kanjalo sekuyawubate namunye lohlala lapho, kute muntfu loyakwakha kuyo,” kusho Simakadze.

Sililo 4:6

Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Amose 4:11

“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.

Zefaniya 2:9

Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”

Lukha 10:12

Nginitjela kutsi: Ngelilanga lekwehlulela labakulelo dolobha Nkulunkulu uyawubajezisa kamatima kunebaseSodoma.”

Dutheronomi 28:24

Simakadze uyawugucula imvula yelive lenu ibe yintfutfu nelutfuli, kuyakwehla esibhakabhakeni uze uphele.

Dutheronomi 29:22

“Bantfwabenu labayawunilandzela etitukulwaneni letitako nebetive labayawube bavela emaveni lakhashane, bayawutibona letigemegeme letehlela kulelive; netifo Simakadze latehlisela kulo.

Dutheronomi 29:23

Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.

2 yaPhetro 2:6

Emadolobha aseSodoma naseGomora Nkulunkulu wawalahla ngelicala, wase uwabhubhisa ngemlilo, aphela nya, aba ngumlotsa; wawenta aba sibonelo kulabo labangayiwumesaba Nkulunkulu.

YaJuda 1:7

Khumbulani futsi iGomora neSodoma nemadolobha labekakhelene nawo. Bantfu balawo madolobha nabo balingisa letingilosi. Emadvodza abelalana odvwana ngendlela lengazange seyibonwe nalephambene nemvelo ehlelwa sijeziso lesimatima, umlilo longacimeki; aba secwayiso.

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.