Genesisi 19:22 - Siswati 1996 Bible

²² Phangisa-ke ubalekele khona; ngobe ngingeke ngente lutfo ungakefiki khona.” Ngako-ke, njengobe Loti watsi lelidolobha lincane, lase letsiwa ngekutsi yiSowari.

Genesisi 19:22 Referencias Cruzadas

Genesisi 13:10

Loti watsi naphakamisa emehlo akhe, wabona litsafa lelinesihlambo semfula iJordane, linemanti lenele yonkhe indzawo, kuze kuyewufika eSowari; lalinjengensimi yaSimakadze nanjengelive laseGibhithe. Ngalesikhatsi Simakadze abesengakayibhubhisi iSodoma neGomora.

Genesisi 14:2

ahloma ayawuhlasela lamanye emakhosi lasihlanu, lekwakuboBhera, inkhosi yaseSodoma, naBhisha, inkhosi yaseGomora, naShinabe, inkhosi yase-Adema, naShemebere, inkhosi yaseSeboyimu, nenkhosi yaseBhela, leyiSowari.

Genesisi 19:21

Yatsi kuye: “Yebo-ke naloko ngiyakwemukela. Ngingeke ngilibhubhise lelidolobha lokhuluma ngalo.

Genesisi 19:23

Watsi Loti nakefika eSowari, lilanga lase liphuma.

Eksodusi 32:10

Ngako-ke ase ungiyekele kutsi lulaka lwami lutewubahashula lubabhubhise. Wena-ke ngitakwenta ube sive lesikhulu.”

Isaya 15:5

Inhlitiyo yami ikhalela Mowabi, bantfu bakhe babaleka kuye bacondza eSowari, labanye bacondza e-Eglathi Shelishiya. Benyuka bahamba bakhala baya eLuhithi, bahamba ngemgwaco baya eHoronayimu, bakhaliswa kubhujiswa kwabo.

Isaya 65:8

Naku lokushiwo nguSimakadze, utsi: “Njengobe kutfolakala luju lwemagelebisi esikhehleni semagelebisi, bantfu batsi: ‘Ungasibulali, kusekhona lokuhle kuso,’ ngitakwenta kanjalo nami ngenca yetinceku tami; ngingeke ngitibhubhise tonkhe.

Jeremiya 48:34

“Umsindvo wekukhala kwabo uyenyuka usuka eHeshboni uye e-Eleyale naseJahasi, kusukela eSowari kuze kuyewufika eHoronayimu nase-Eglathi Shelishiya, ngobe ngisho nemanti aseNimrimu asomile.

Makho 6:5

Akakhonanga kwenta imisebenti yemandla kuleyo ndzawo ngaphandle kwekutsi nje wabeka tandla kulabambalwa lababegula, wabaphilisa.

Dutheronomi 34:3

naseNegevu, eningizimu yakaJuda, kanye naso sonkhe leso sifundza kusuka eSihosheni saseJerikho, lidolobha letihlahla temasundvu, kuze kuyewufika kulaseSowari.

Dutheronomi 9:14

Ase ungiyekele, khona ngitewubabhubhisa ngesule nelibito labo ngaphansi kwelizulu. Wena ngitakwenta ube sive lesinemandla nalesikhulu kunabo.’

2 kuThimothi 2:13

Nasingetsembeki, yena uhlala etsembekile, ngobe angeke atiphikise.”

kuThithusi 1:2

Futsi ngitfunyelwe nekubaholela etsembeni lekuphila lokuphakadze, lekwatsi umhlaba ungakasekelwa kwetsenjiswa nguNkulunkulu longawacali emanga.