Genesisi 19:16 - Siswati 1996 Bible

¹⁶ Kepha Loti wabina; ngako-ke ngobe Simakadze waba nesihawu kuye, lamadvodza lamabili ababamba ngetandla, yena nemkakhe kanye nemadvodzakati akhe abakhiphela ngaphandle kwalelidolobha.

Genesisi 19:16 Referencias Cruzadas

Genesisi 19:15

Ekuseni kuseluvivi tingilosi tamgcugcuta Loti tatsi: “Vuka, utsatse umkakho nemadvodzakati akho lamabili lakhona la, ningahle nehlelwe ngulesijeziso salelidolobha.”

Genesisi 43:10

Kube asikabambeleleki nje, ngabe sesihambe saze sabuyela nakabili.”

1 Tikhronike 16:34

“Bongani Simakadze, ngobe ulungile, nemusa wakhe ume kuze kube phakadze.

Tihlabelelo 103:13

Njengobe uyise anesihe kubantfwabakhe, ngalokufananako Simakadze unesihe kulabamesabako.

Tihlabelelo 106:1

Haleluya, dvumisani Simakadze! Bongani Simakadze ngobe muhle, nemusa wakhe ume kuze kube phakadze.

Tihlabelelo 106:8

Noko, Simakadze wabasindzisa, ngenca yelibito lakhe, kuze abonakalise emandla akhe lamakhulu.

Tihlabelelo 107:1

“Dvumisani Simakadze, ngobe yena muhle, nemusa wakhe ume kuze kube phakadze.”

Tihlabelelo 111:4

Wente timangaliso takhe kutsi tikhumbuleke. Simakadze unemusa nebubele.

Tihlabelelo 118:1

Bongani Simakadze, ngobe muhle, umusa wakhe ume kuze kube phakadze.

Tihlabelelo 119:60

Angicitsi sikhatsi, ngivele ngiphutfume, ngigcine imiyalo yakho.

Tihlabelelo 136:1

Bongani Simakadze, ngobe muhle, ngobe umusa wakhe ume kuze kube phakadze.

Tihlabelelo 32:10

Lomubi unekuhlupheka lokunyenti, kodvwa lowo lowetsembele kuSimakadze uhlala alondvolotwe ngumusa wakhe.

Tihlabelelo 33:18

Empeleni liso laSimakadze likulabo labamesabako, yebo labo labetsemba umusa wakhe,

Tihlabelelo 33:19

kutsi atewukhulula umphefumulo wabo ekufeni abaphilise endlaleni.

Tihlabelelo 34:12

Ngubani lotsandza kuphila adzimate adle tinyoni tebantfwabakhe?

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Eksodusi 34:6

Simakadze wendlula embikwakhe wamemeta watsi: “Simakadze, Simakadze, Nkulunkulu lonesihawu nemusa; uyephuta kutfukutsela andze ngemusa nangekwetsembeka,

Eksodusi 34:7

ubentela umusa labatinkhulungwane, atsetselele emaphutsa, nalokubi, netono. Kodvwa ngingeke ngihlale ngingamjezisi lonelicala; ngijezisa bantfwana nebatukulu ngetono tebatali babo, kuze kufikele esitukulwaneni sesitsatfu nesesine.”

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Sililo 3:22

Ngenca yelutsandvo lolukhulu lwaSimakadze asikadliwa sacedvwa, ngobe sihawu sakhe singeke siphele.

Numeri 14:18

‘Simakadze uyephuta kutfukutsela andze ngemusa, atsetselele sono nekuhlubuka. Noko lonelicala akamshiyi angakamjezisi; yena ujezisa bantfwana ngesono saboyise situkulwane sesitsatfu nesesine.’

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Johane 6:44

Kute umuntfu longeta kimi nangabe Babe, lokunguyena angitfumile, angamdvonsi. Ngemhla wekuphela mine-ke ngiyawumvusa aphile.

KubaseRoma 9:18

Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.

2 kubaseKorinthe 1:3

Akabongwe Nkulunkulu uYise weNkhosi yetfu Jesu Khristu, longuYise wemusa. Yebo, akabongwe Nkulunkulu longumtfombo wayo yonkhe indvudvuto.

Dutheronomi 4:31

Ngobe Simakadze, Nkulunkulu wenu, unguNkulunkulu lonemusa, angeke anishiye nome anibhubhise nome akhohlwe sivumelwane sakhe lasenta naboyihlomkhulu, lasicinisa kubo ngesifungo.

Dutheronomi 5:15

Khumbula kutsi nawe bewusigcili eGibhithe nekutsi Simakadze Nkulunkulu wakho wakukhipha lapho ngesandla lesinemandla nemkhono lowelulekile. Ngako-ke Simakadze Nkulunkulu wakho ukuyalile kutsi uligcine liSabatha.

Dutheronomi 6:21

uyawuphendvula utsi: ‘Sasitigcili taFaro eGibhithe, kodvwa Simakadze wasikhipha eGibhithe ngesandla sakhe lesinemandla.

Dutheronomi 7:8

Kodvwa kwaya ngekutsi Simakadze wanitsandza wasigcina sifungo sakhe lasenta kubokhokho benu kutsi anikhiphe ngesandla lesinemandla, wanihlenga eveni lebugcili, nasemandleni aFaro, inkhosi yaseGibhithe.

kuThithusi 3:5

wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

Joshuwa 6:22

Joshuwa wakhuluma kulamadvodza lamabili labeyewuhlola live, watsi: “Hambani niye kulendlu yalengwadla, nifike niyitsatse yona kanye nebemndeni wayo, njengobe nifungile kuyo.”

2 yaPhetro 2:7

Nkulunkulu wamsindzisa Loti labelungile; Loti abesavele asakhatsateke kakhulu, ngenca yekuhamba ngemanyala kwabo labangenamtsetfo.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,